കിടപ്പുരോഗിയായ അമ്മ മാത്രമുള്ള സമയത്ത് വീട്ടിൽ അതിക്രമിച്ച് കയറി മാനസിക വെല്ലുവിളി നേരിടുന്ന യുവതിക്കുനേരെ ലൈം​ഗികാതിക്രം; ബന്ധുക്കളുടെ പരാതിയിൽ പ്രതി പിടിയിൽ

കോഴിക്കോട്: മാനസിക വെല്ലുവിളി നേരിടുന്ന യുവതിയെ പീഡിപ്പിച്ചയാൾ പിടിയിൽ. കോഴിക്കോട് കോടഞ്ചേരി കൂടത്തായി സ്വദേശി സൈനുദ്ദീനാണ് അറസ്റ്റിലായത്. വീട്ടിൽ അതിക്രമിച്ച് കയറിയാണ് മാനസിക വെല്ലുവിളി നേരിടുന്ന യുവതിയെ പ്രതി പീഡിപ്പിച്ചത്.

ഈ സമയം വീട്ടിലെത്തിയ ബന്ധുവാണ് പീഡന വിവരം ആദ്യം അറിയുന്നത്. ഇതേ തുടർന്ന് കുടുംബം കോടഞ്ചേരി പോലീസിൽ പരാതി നൽകുകയായിരുന്നു.

കിടപ്പുരോഗിയായ അമ്മ മാത്രം വീട്ടിലുള്ള സമയത്താണ് പ്രതി മാനസിക വെല്ലുവിളി നേരിടുന്ന യുവതിയുടെ വീട്ടിലെത്തിയത്. യുവതിയുടെ പിതാവും സഹോദരിയും ഈ സമയത്ത് വീടിന് പുറത്തായിരുന്നു.

യുവതിയെ പീഡിപ്പിക്കാൻ ശ്രമിക്കുന്നതിനിടെയാണ് ബന്ധു വീട്ടിലെത്തിയത്. ഇതോടെ പ്രതി വീട്ടിൽ നിന്നും ഇറങ്ങി ഓടുകയായിരുന്നു.

പിന്നീട് ബന്ധുക്കളാണ് പോലീസിൽ പരാതി നൽകിയത്. പ്രതിയെ താമരശ്ശേരി കോടതിയിയിൽ ഹാജരാക്കി റിമാൻഡ് ചെയ്തു.