വീടിനുള്ളിൽ കുളിപ്പിക്കാൻ നിർത്തിയ മൂന്നരവയസുകാരിയെ ലൈംഗികമായി പിഡീപ്പിച്ചു: കോട്ടയം ഗാന്ധിനഗർ മുടിയൂർക്കര സ്വദേശിയായ യുവാവ് പിടിയിൽ

തേർഡ് ഐ ബ്യൂറോ

കോട്ടയം: വീടിനുള്ളിൽ കുളിപ്പിക്കാൻ നിർത്തിയ മൂന്നര വയസുകാരിയെ ലൈംഗികമായി പീഡിപ്പിച്ച കേസിൽ 28 വയസുകാരനായ യുവാവ് പിടിയിൽ. ഗാന്ധിനഗർ മുടിയൂർക്കര സ്വദേശിയായ യുവാവിനെയാണ് ഗാന്ധിനഗർ പൊലീസ് പിടികൂടിയത്.

ബുധനാഴ്ച രാവിലെയായിരുന്നു കേസിനാസ്പദമായ സംഭവം. കുട്ടിയെ വീട്ടിൽ കുളിപ്പിക്കുന്നതിനായി എണ്ണ തേച്ചു നിർത്തിയിരിക്കുകയായിരുന്നു. ഇതിനിടെയാണ് യുവാവ് വീട്ടിലെത്തിയത്. കുട്ടിയെ കുളിപ്പിക്കാൻ എണ്ണ തേച്ചു നിർത്തിയ ശേഷം, വീട്ടിലെ ജോലിക്കാരി വീടിനുള്ളിലേയ്ക്കു പോയി.

ഈ സമയത്ത് സ്ഥലത്ത് എത്തിയ പ്രതി കുട്ടിയുടെ സ്വകാര്യ ഭാഗങ്ങളിൽ അടക്കം കടന്നു പിടിക്കുകയായിരുന്നു. ഇത് കണ്ടു കൊണ്ടാണ് വീട്ടിലെ ജോലിക്കാരി സ്ഥലത്ത് എത്തിയത്. ഇവർ ബഹളം വച്ചതോടെ പ്രതി സ്ഥലത്തു നിന്നും ഓടിരക്ഷപെട്ടു.

പിന്നീട്, കുട്ടിയുടെ അമ്മ ഗാന്ധിനഗർ പൊലീസിൽ പരാതി നൽകുകയായിരുന്നു. പരാതിയുടെ അടിസ്ഥാനത്തിൽ അന്വേഷണം നടത്തിയ ഗാന്ധിനഗർ സ്റ്റേഷൻ ഹൗസ് ഓഫിസർ ക്ലീറ്റസ് ജോസഫിന്റെ നേതൃത്വത്തിലുള്ള സംഘം പ്രതിയെ അറസ്റ്റ് ചെയ്യുകയായിരുന്നു.

28 വയസ് പ്രായമുണ്ടെങ്കിലും ഉയരം കുറവുള്ള പ്രതിയ്ക്കു പെരുമാറ്റ വൈകല്യം ഉള്ളതായി പൊലീസ് പറയുന്നു. പ്രതിയെ അറസ്റ്റ് ചെയ്തു കോടതിയിൽ ഹാജരാക്കും.