സേതുരാമയ്യർ തമിഴ് പേശും..! സിബിഐ 5 ന്‍റെ തമിഴ് മൊഴിമാറ്റ പതിപ്പ് ടെലിവിഷന്‍ പ്രീമിയറിന്; സീ തമിഴ് ചാനലിലൂടെ നവംബര്‍ 13 ഞായറാഴ്ച ഉച്ചയ്ക്ക് ഒരു മണിക്ക് ചിത്രം കാണാം
സ്വന്തം ലേഖകൻ
ചെന്നൈ: സേതുരാമയ്യർ തമിഴ് പേശും. സിബിഐ 5 ന്‍റെ തമിഴ് മൊഴിമാറ്റ പതിപ്പ് ടെലിവിഷന്‍ പ്രീമിയറിന്. സീ തമിഴ് ചാനലിലൂടെ നവംബര്‍ 13 ഞായറാഴ്ച ഉച്ചയ്ക്ക് ഒരു മണിക്കാണ് ചിത്രം കാണാനാവുക.
ജനപ്രിയ സിനിമാ ഫ്രാഞ്ചൈസിയുടെ അഞ്ചാം പതിപ്പ് എന്ന നിലയില്‍ വന്‍ പ്രീ റിലീസ് ഹൈപ്പുമാണ് ചിത്രത്തിന് ലഭിച്ചത്. മെയ് 1 ന് ആയിരുന്നു റിലീസ്. എന്നാല്‍ റിലീസിനു ശേഷം സമ്മിശ്രാഭിപ്രായങ്ങളാണ് ചിത്രത്തെക്കുറിച്ച് സോഷ്യല്‍ മീഡിയയില്‍ പ്രചരിച്ചത്.
Whatsapp Group 1 | Whatsapp Group 2 |Telegram Group
ചിത്രം ബോക്സ് ഓഫീസില്‍ ഭേദപ്പെട്ട പ്രകടനം നടത്തിയിരുന്നു. ആദ്യ 9 ദിനങ്ങളില്‍ നിന്ന് 17 കോടിയാണ് ചിത്രം വിദേശ മാര്‍ക്കറ്റുകളില്‍ നിന്ന് മാത്രം നേടിയത്.
വിക്രമായി ജഗതി ശ്രീകുമാറിനെ സ്ക്രീനില്‍ വീണ്ടും അവതരിപ്പിച്ചത് തിയറ്ററുകളില്‍ കൈയടികളോടെയാണ് പ്രേക്ഷകര്‍ സ്വീകരിച്ചത്. ഒടിടി റിലീസില്‍ മികച്ച കാഴ്ചയും നേടിയിരുന്നു ചിത്രം. പ്രമുഖ പ്ലാറ്റ്ഫോം ആയ നെറ്റ്ഫ്ലിക്സിലൂടെ എത്തിയ ചിത്രം അവരുടെ ഇന്ത്യ ടോപ്പ് 10 മൂവി ലിസ്റ്റില്‍ ഒന്നാമത് എത്തിയിരുന്നു.
മമ്മൂട്ടിയോടൊപ്പം മുകേഷ്, സായ്‍കുമാര്‍, മുകേഷ്, രണ്‍ജി പണിക്കര്‍, ആശ ശരത്ത്, സൗബിന്‍ ഷാഹിര്‍, ദിലീഷ് പോത്തന്‍, അനൂപ് മേനോന്‍, പ്രശാന്ത് അലക്സാണ്ടര്‍, ജയകൃഷ്‍ണന്‍, സുദേവ് നായര്‍, അസീസ് നെടുമങ്ങാട്, സന്തോഷ് കീഴാറ്റൂര്‍, ഇടവേള ബാബു, പ്രസാദ് കണ്ണന്‍, കോട്ടയം രമേശ്, സുരേഷ് കുമാര്‍, തന്തൂര്‍ കൃഷ്‍ണന്‍, അന്ന രേഷ്‍മ രാജന്‍, അന്‍സിബ ഹസന്‍, മാളവിക മേനോന്‍, മാളവിക നായര്‍, സ്വാസിക തുടങ്ങി നീണ്ട താരനിരയാണ് ചിത്രത്തില്‍ അണിനിരന്നത്.
