സ്വർണം ഗുളിക രൂപത്തിലാക്കി മലദ്വാരത്തിൽ ഒളിപ്പിച്ച് കടത്താൻ ശ്രമം; കസ്റ്റംസ് പരിശോധനയിൽ കണ്ടെത്തിയത് 26 ലക്ഷത്തിന്റെ സ്വർണവും നാലര ലക്ഷത്തിന്റെ വിദേശ സി​ഗരറ്റുകളും; യാത്രക്കാരൻ വിമാനത്താവളത്തിൽ അറസ്റ്റിൽ

കൊച്ചി: ഗൾഫിൽ നിന്നും വന്ന യാത്രക്കാരൻ നെടുമ്പാശ്ശേരി വിമാനത്താവളത്തിൽ അറസ്റ്റിൽ.

ഇയാളിൽനിന്ന് 26 ലക്ഷത്തിന്റെ സ്വർണവും നാലര ലക്ഷത്തിന്റെ സി​ഗരറ്റുകളും കണ്ടെടുത്തു.

മലപ്പുറം തിരൂർ സ്വദേശി താജുദ്ദീനെയാണ് കസ്റ്റംസ് പിടികൂടി അറസ്റ്റ് ചെയ്തത്.

ബഹറൈനിൽ നിന്നും വന്ന ഇയാൾ 315 ഗ്രാം സ്വർണം ഗുളിക രൂപത്തിലാക്കി മലദ്വാരത്തിൽ ഒളിപ്പിച്ചും 50 ഗ്രാം സ്വർണം ചെയിൻ രൂപത്തിലാക്കിയുമാണ് കടത്താൻ ശ്രമിച്ചത്. 26,000 ത്തോളം വിദേശ സിഗരറ്റുകളും പിടിച്ചെടുത്തു.