മുണ്ടക്കയം പെരുവന്താനത്തിന് സമീപം അയ്യപ്പഭക്തന്മാർ സഞ്ചരിച്ച വാഹനം അപകടത്തിൽപ്പെട്ടു; രണ്ട് മരണം

സ്വന്തം ലേഖകൻ

മുണ്ടക്കയം: മുണ്ടക്കയം പെരുവന്താനത്തിന് സമീപം അയ്യപ്പഭക്തന്മാർ സഞ്ചരിച്ച വാഹനം അപകടത്തിൽപ്പെട്ടു. ആന്ധ്രാ സ്വദേശികളായ രണ്ട് അയ്യപ്പഭക്തന്മാർ മരിച്ചു.

ശബരിമല ദർശനത്തിന് പോയ അയ്യപ്പഭക്തൻമാരുടെ വാഹനത്തിൽ മറ്റൊരു വാഹനം ഇടിച്ചാണ് അപകടം ഉണ്ടായത്.

കെ കെ റോഡിൽ പെരുവന്താനത്തിന് സമീപം അമല​ഗിരി ഭാ​ഗത്താണ് അപകടം ഉണ്ടായത്. മരിച്ച അയ്യപ്പ ഭക്തന്മാരുടെ മൃതദേഹം കാഞ്ഞിപ്പള്ളി താലൂക്ക് ആശുപത്രിയിലേക്ക് മാറ്റി. പെരുവന്താനം എസ് എച്ച് ഒ ജയപ്രകാശിന്റെ നേതൃത്വത്തിലുള്ള പൊലീസ് സ്ഥലത്തെത്തിയിട്ടുണ്ട്.