ആലപ്പുഴയിൽ ആർ.എസ്.എസ് നേതാവ് രഞ്ജിത്തിന്റെ കൊലപാതം; കോട്ടയം നഗരത്തിൽ ആർഎസ്എസ് പ്രവർത്തകർ പ്രതിഷേധ പ്രകടനം

സ്വന്തം ലേഖകൻ
കോട്ടയം : ആലപ്പുഴയിൽ ആർ.എസ്.എസ് നേതാവ് രഞ്ജിത്തിന്റെ കൊലപാതകത്തിൽ പോപ്പുലർ ഫ്രണ്ടിന് എതിരായി കോട്ടയം നഗരത്തിൽ ആർഎസ്എസ് പ്രവർത്തകർ പ്രതിഷേധ പ്രകടനം നടത്തി.

അഞ്ചേമുക്കാലോടെ കോട്ടയം പൊലീസ് പരേഡ് ഗ്രൗണ്ടിൽ നിന്നും ആരംഭിച്ച പ്രകടനം , മനോരമ ജില്ലാ ആശുപത്രി വഴി തിരുനക്കരയിൽ സമാപിക്കും.

പ്രകടനം കടന്നുപോകുന്നതിന്റെ ഭാഗമായി കെകെ റോഡിൽ കളക്ടറേറ്റ് മുതൽ തിരുനക്കര വരെ ഗതാഗത നിയന്ത്രണം ഏർപ്പെടുത്തിയിട്ടുണ്ട്.

ആലപ്പുഴയിൽ ആർഎസ്എസ് നേതാവ് രഞ്ജിത്ത് കൊല്ലപ്പെട്ടതിന്റെ പ്രതിഷേധത്തിന്റെ ഭാഗമായി സംസ്ഥാന വ്യാപകമായി നിയോജകമണ്ഡല അടിസ്ഥാനത്തിൽ പ്രകടനം നടത്താൻ ആർഎസ്എസ് ആഹ്വാനം ചെയ്തിരുന്നു. ഈ പ്രതിഷേധ പരിപാടികൾ ആണ് കോട്ടയത്തും ആരംഭിച്ചത്.

പ്രതിഷേധ യോഗത്തിൽ ആർഎസ്എസ്-ബിജെപി നേതാക്കൾ പങ്കെടുത്തു .