അയ്മനം പതിനാലാം വാര്‍ഡ് സെന്റ് ജോര്‍ജജ് – കോട്ടമല റോഡ് ഉദ്ഘാടനം ചെയ്തു

സ്വന്തം ലേഖിക

അയ്‌മനം: അയ്‌മനം പഞ്ചായത്തിലെ പതിനാലാം വാർഡ് നിവാസികളുടെ ചിരകാല സ്വപ്നമായിരുന്ന സെന്റ് ജോർജജ് – കോട്ടമല റോഡിന്റെ ഉദ്ഘാടനം സഹകരണ രജിസ്ട്രേഷൻ വകുപ്പ് മന്ത്രി വി എൻ വാസവൻ നിർവഹിച്ചു.

ചടങ്ങിൽ ഗ്രാമപഞ്ചായത്ത് പ്രസിഡന്റ് സബിത പ്രേംജി അധ്യക്ഷനായി. ഫിഷറീസ് വകുപ്പിൽ നിന്നും അനുവദിച്ച 21 ലക്ഷം രൂപ ഉപയോഗിച്ചാണ് റോഡ് നിർമ്മാണം പൂർത്തീകരിച്ചത്.

വാർഡ് മെമ്പർ മിനിമോൾ മനോജ്, ഗ്രാമ‍പഞ്ചായത്ത് വൈസ് പ്രസിഡന്റ് മനോജ് കരീമഠം, പഞ്ചായത്തംഗം റെജിമോൾ ഷാജി, മുൻ പഞ്ചായത്ത് പ്രസിഡന്റ് എ കെ ആലിച്ചൻ, പൊതു പ്രവർത്തകരായ കെ എൻ വേണുഗോപാൽ, ആർ പ്രമോദ് ചന്ദ്രൻ, സി എം അനി, സിനി സുരേഷ് തുടങ്ങിയവർ സംസാരിച്ചു.