കങ്ങഴയ്ക്ക് സമീപം വിവാഹ സംഘം സഞ്ചരിച്ചിരുന്ന ഓട്ടോ കുഴിയിലേക്ക് മറിഞ്ഞു; രണ്ടു പേർക്ക് പരിക്ക്

സ്വന്തം ലേഖകൻ

കോട്ടയം: കങ്ങഴയ്ക്ക് സമീപം പത്തനാട് ഇളങ്കാട് ക്ഷേത്രത്തിനടുത്ത് വിവാഹ സംഘം സഞ്ചരിച്ചിരുന്ന ഓട്ടോ കുഴിയിലേക്ക് മറിഞ്ഞു. രണ്ടു പേർക്ക് പരിക്ക്.

പത്തനാട് ഭാഗത്തേയ്ക്കു പോകുകയായിരുന്ന ഓട്ടോറിക്ഷ, എതിരെ വന്ന ബസിന് സൈഡ് നൽകുന്നതിനിടെ റോഡരികിലെ കുഴിയിലേയ്ക്കു വീഴുകയായിരുന്നു.

അപകടം കണ്ട് ഓടിക്കൂടിയ നാട്ടുകാർ ചേർന്നാണ് അപകടത്തിൽ പരിക്കേറ്റവരെ ആശുപത്രിയിൽ എത്തിച്ചത്.

അപകടം അറിഞ്ഞ് കറുകച്ചാൽ പൊലീസ് സ്ഥലത്ത് എത്തി.