റവന്യു വകുപ്പ് ഓൺലൈൻ സ്ഥലം മാറ്റം അട്ടിമറിക്കുന്നത് തത്പര കക്ഷികളെ സംരക്ഷിക്കുവാൻ : രഞ്ജു കെ മാത്യു
സ്വന്തം ലേഖകൻ
കോട്ടയം: റവന്യു വകുപ്പിലെ ഓൺലൈൻ സ്ഥലം മാറ്റം അട്ടിമറിക്കുന്നത് തത്പര കക്ഷികളെ സംരക്ഷിക്കുവാനും ഇതര സംഘടനാ അംഗങ്ങളെ ദ്രോഹിക്കുവാനുമാണെന്ന് കേരള എൻ ജി ഒ അസോസിയേഷൻ സംസ്ഥാന സെക്രട്ടറി രഞ്ജു കെ മാത്യു പറഞ്ഞു. റീ അലോട്ട്മെൻറിന് അർഹരായവരും അന്തർജില്ലാ സ്ഥലം മാറ്റത്തിന് കാത്തിരിക്കുന്നവർക്കും അർഹമായ പരിഗണന ലഭിക്കണം.
ഓൺലൈൻ സ്ഥലം മാറ്റത്തിൽ ഇടപെടുന്നതും അത് വൈകിപ്പിക്കുന്നതും നീതീകരിക്കുവാൻ കഴിയില്ലന്നും അദ്ദേഹം പറഞ്ഞു. കോട്ടയം കളക്ട്രേറ്റിന് മുമ്പിൽ കേരള എൻ ജി ഒ അസോസിയേഷൻ സംഘടിപ്പിച്ച പ്രതിഷേധ സംഗമം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ജില്ലാ പ്രസിഡൻ്റ് സതീഷ് ജോർജ് അദ്ധ്യക്ഷത വഹിച്ചു.
Whatsapp Group 1 | Whatsapp Group 2 |Telegram Group
ജില്ലാ സെക്രട്ടറി വി.പി. ബോബിൻ , സംസ്ഥാന സെക്രട്ടേറിയറ്റ് അംഗം സോജോ തോമസ് ,ജില്ലാ ട്രഷറർ സഞ്ജയ് എസ് നായർ , ജില്ലാ വൈസ് പ്രസിഡൻ്റ് ജെ ജോബിൻസൺ, ജോഷി മാത്യു ,അനൂപ് പ്രാപ്പുഴ , ജില്ലാ ജോ സെക്രട്ടറിമാരായ റോബി ജെ , അജീഷ് പി.വി, സ്മിതാ രവി എന്നിവർ പ്രസംഗിച്ചു.