റേഷൻ അരിയുമായി പോയ ലോറി കാണാതായി: ഡ്രൈവറെ തൂങ്ങി മരിച്ച നിലയിൽ കണ്ടത്തി: ലോറി തട്ടിയെടുത്തവർ ഡ്രൈവറെ കൊന്നതാണോ എന്ന് സംശയം: പോലീസ് അന്വേഷണം ഊർജിതമാക്കി
കൊല്ലങ്കോട് : റേഷൻ അരിയുമായി പാതി വഴിയില്‍ ലോറി കാണാതായ സംഭവത്തില്‍ നിർണായക വഴിത്തിരിവ്. കാണാതായ ലോറി ഓടിച്ചിരുന്ന ഡ്രൈവറെ ദുരൂഹസാഹചര്യത്തില്‍ മരിച്ച നിലയില്‍ കണ്ടെത്തി.
കന്യാകുമാരി ജില്ലയിലെ നിത്രവിളയ്ക്ക് സമീപം ഘടികാവ് സ്വദേശി സുരേഷിനെയാണ് മരിച്ച നിലയില്‍ കണ്ടെത്തിയത്. റേഷൻ കടകളിലേക്ക് വിതരണം ചെയ്യാനുള്ള 25 ടണ്‍ റേഷൻ അരി തൻ്റെ ട്രക്കില്‍ കയറ്റി കന്യാകുമാരി ജില്ല റിസർവ് ഫോറസ്റ്റ് ഏരിയയിലെ സർക്കാർ ഗോഡൗണിലേക്ക് കൊണ്ടുപോകാൻ നെല്ലായി ജില്ലയില്‍ നിന്ന് 16ന് എത്തിയതായിരുന്നു ഇയാള്‍. മാർത്താണ്ഡത്ത് എത്തിയ ലോറി പിന്നീട് കാണാതാവുകയായിരുന്നു.
റേഷൻ അരിയുമായി പാതി വഴിയില്‍ ലോറി കാണാതായ സംഭവത്തില്‍ ബന്ധപ്പെട്ട ഉദ്യോഗസ്ഥർ പുതുക്കട പൊലീസില്‍ പരാതി നല്‍കി. ഇതനുസരിച്ച്‌ പോലീസ് കേസെടുത്ത് റേഷൻ അരി കയറ്റിയ ലോറിക്കും ലോറി ഡ്രൈവർ സുരേഷിനുമായി തിരച്ചില്‍ നടത്തുകയായിരുന്നു.
Whatsapp Group 1 | Whatsapp Group 2 |Telegram Group
ഇതിനിടെ , ഗിക്കാവിന് സമീപം വടക്കേതോപ്പ് ഭാഗത്ത് സിജോയുടെ വീട്ടില്‍ ഇന്ന് രാവിലെ ഒരാള്‍ തൂങ്ങിമരിച്ചതായി കൊല്ലങ്കോട് പോലീസിന് വിവരം ലഭിച്ചു. ജോലിക്കെത്തിയ തൊഴിലാളിയാണ് നിർമാണ പ്രവർത്തനങ്ങള്‍ നടക്കുന്ന വീടിൻ്റെ ഗോവണിപ്പടിയില്‍ ഒരാള്‍ തൂങ്ങിമരിച്ച നിലയില്‍ കാണുകയും പോലീസില്‍ അറിയിക്കുകയും ചെയ്തത്.
തുടർന്ന് , കൊല്ലങ്കോട് പോലീസ് അവിടെയെത്തി അന്വേഷണം നടത്തി തൂങ്ങി മരിച്ച നിലയില്‍ കണ്ടെത്തിയത് പോലീസ് തിരയുന്ന സുരേഷാണെന്ന് സ്ഥിരീകരിച്ചു. മൃതദേഹം പുറത്തെടുത്ത് പോസ്റ്റ്‌മോർട്ടത്തിനായി ആശാരിപ്പള്ളം സർക്കാർ മെഡിക്കല്‍ കോളേജ് ആശുപത്രിയിലേക്ക് മാറ്റി. പൊലീസിനെ ഭയന്ന് നിർമാണത്തിലിരിക്കുന്ന വീട്ടില്‍ ഒളിച്ചിരുന്ന് സുരേഷ് ആത്മഹത്യ ചെയ്തതാണോ എന്നാണ് സംശയം.
അതേസമയം , റേഷൻ അരിയുമായി ദുരൂഹമായ ലോറിയെ കുറിച്ച്‌ ഇതുവരെ വിവരമൊന്നും ലഭ്യമല്ല. എന്നാല്‍ ലോറി ഡ്രൈവറുടെ ദുരൂഹമരണം പൊലീസിനെ കൂടുതല്‍ ദുരൂഹതയിലാക്കിയിരിക്കുകയാണ്. റേഷൻ അരിയുമായി ലോറി തട്ടിയെടുത്ത് മറ്റാരോ സുരേഷിനെ കൊലപ്പെടുത്തി കെട്ടിത്തൂക്കിയതാണോ എന്നും പൊലീസ് സംശയിക്കുന്നു. സംഭവത്തില്‍ അന്വേഷണം പുരോഗമിക്കുകയാണ്.
