യുവതിയുടെ കുളിമുറി ദൃശ്യങ്ങൾ രഹസ്യമായി പകർത്തി: മൊബൈൽ ദൃശ്യങ്ങൾ കാട്ടി രണ്ടു വർഷത്തോളം പീഡിപ്പിച്ചു; ബന്ധത്തിന് വിസമ്മതിച്ചതോടെ ദൃശ്യങ്ങൾ ഇന്റർനെറ്റിലിട്ടു; യുവതിയെ പീഡിപ്പിച്ച് ക്രൂരത കാട്ടിയ യുവാവ് പത്തനംതിട്ടയിൽ അറസ്റ്റിൽ

ക്രൈം ഡെസ്‌ക്

പത്തനംതിട്ട: രണ്ടു വർഷം മുൻപ് രഹസ്യമായി യുവതിയുടെ കുളിമുറി ദൃശ്യങ്ങൾ മൊബൈലിൽ പകർത്തിയ ശേഷം യുവതിയെ ലൈംഗികമായി പീഡിപ്പിച്ച കേസിൽ യുവാവ് അറസ്റ്റിൽ. ഈ വീഡിയോ ദൃശ്യങ്ങൾ രണ്ടു വർഷത്തോളം സൂക്ഷിച്ചു വച്ച പ്രതി, ഇതു മുതലെടുത്താണ് യുവതിയെ ലൈംഗികമായി പീഡിപ്പിച്ചിരുന്നത്. വീഡിയോ പുറത്തു വിടുമെന്ന യുവാവിന്റെ ഭീഷണിയെ ഭയന്നാണ് രണ്ടു വർഷത്തോളം യുവതി ഇയാൾക്കു വഴങ്ങിയിരുന്നത്. തുടർന്നു, യുവതി ബന്ധത്തിൽ നിന്നും പി്ന്മാറാൻ ഒരുങ്ങിയതോടെയാണ് ഇയാൾ വീഡിയോ ഇന്റർനെറ്റിൽ അപ്ലോഡ് ചെയ്തത്.

പരാതിയിൽ ആരോപണ വിധേയനായ കുളനട സ്വദേശി സിനു രാജനെ പൊലീസ് അറസ്റ്റ് ചെയ്തു. യുവതിയുടെ സഹോദരന്റെ സുഹൃത്താണ് അറസ്റ്റിലായ സിനു രാജൻ. 2018 മാർച്ചിലാണ് പരാതിക്കാസ്പദമായ സംഭവം.

യുവതിയുടെ വീട്ടിലെത്തിയ സിനു രാജൻ യുവതി കുളിക്കുന്ന ദൃശ്യങ്ങൾ മൊബൈൽ ഫോണിൽ പകർത്തി. നിരന്തരം ഈ ദൃശ്യങ്ങൾ കാണിച്ച് യുവതിയെ ഭീക്ഷണിപ്പെടുത്തി. തുടർന്ന് മാവേലിക്കരയിലെ വിവിധ കേന്ദ്രങ്ങളിലെത്തിച്ച് യുവതിയെ ബലാത്സംഗം ചെയ്തു.
പല തവണ ഭീഷണിപ്പെടുത്തി സ്വർണാഭരണങ്ങളും വാങ്ങി പണയം വെയ്ക്കുകയും ചെയ്തു.

രണ്ട് വർഷങ്ങൾക്ക് ശേഷം യുവതിയുടെ ദൃശ്യങ്ങൾ നവമാധ്യമങ്ങളിലൂടെ സിനു രാജൻ പ്രചരിപ്പിച്ചതോടെയാണ് ഈ മാസം മൂന്നാം തീയതി യുവതി പൊലീസിൽ പരാതി നൽകിയത്. തുടർന്ന് നടത്തിയ അന്വേഷണത്തിലാണ് സിനു രാജനെ അറസ്റ്റ് ചെയ്തത്. മൂന്നാഴ്ച മുമ്പ് മഹാരാഷ്ട്രയിൽ നിന്നെത്തിയ സിനു വീട്ടിൽ ക്വാറൻറീനിലായിരുന്നു.

കൊവിഡ് നെഗറ്റീവായ പരിശോധനാഫലം വന്നതിന് ശേഷമാണ് ഇയാളെ അറസ്റ്റ് ചെയ്തത്. അടൂർ മജിസ്‌ട്രേറ്റിന് മുന്നിൽ ഹാജരാക്കിയ പ്രതിയെ റിമാൻറ് ചെയ്തു.