പെരുമഴയിൽ എരുമേലിയും മണിമലയും മുങ്ങി
സ്വന്തം ലേഖകൻ
എരുമേലി: ചരിത്രത്തിൽ ആദ്യമായിപേട്ടക്കവല വെള്ളത്തില് മുങ്ങി.ഉച്ചയോടെ കടകളില് വെള്ളം കയറി ഒഴുകി.
ടൗണിലേക്കുള്ള ഇട റോഡുകളെല്ലാം വെള്ളത്തിനടിയിലായി.
Whatsapp Group 1 | Whatsapp Group 2 |Telegram Group
മുക്കൂട്ടുതറ, കണമല, കൊരട്ടി, പമ്പാവാലി, ചേനപ്പാടി, പഴയിടം ഉള്പ്പെടെ പഞ്ചായത്തിന്റെ വിവിധ പ്രദേശങ്ങളിലെല്ലാം ആറുകളും തോടുകളും കരകവിഞ്ഞൊഴുകി.
ഇതോടെ വൈദ്യുതി വിതരണവും തടസപ്പെട്ടു. വെള്ളം കയറിയ റോഡുകളില് കയര് വലിച്ചുകെട്ടി ഗതാഗതം തടഞ്ഞു.
തീരപ്രദേശങ്ങളിലെ വീടുകളില്നിന്നും ആളുകളെ മാറ്റിപ്പാര്പ്പിച്ചു. ബസ് സര്വീസുകള് ഇന്നലെ ഉച്ചയോടെ പൂര്ണമായും നിലച്ചു. എരുമേലി കെഎസ്ആര്ടിസി ബസ് സ്റ്റാന്ഡ് വെള്ളത്തിനടിയിലായി. എതിര്വശത്തെ ട്രാന്സ്ഫോര്മര് വെള്ളത്തിനടിയിലാണ്.