തിരുവനന്തപുരം: കേരളത്തില് മഴ മുന്നറിയിപ്പില് മാറ്റം.
ഇന്ന് എട്ട് ജില്ലകളില് യെല്ലോ അലർട്ട് പ്രഖ്യാപിച്ചിട്ടുണ്ട്.
തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂർ ജില്ലകളിലാണ് മുന്നറിയിപ്പ് നല്കിയിരിക്കുന്നത്.
ഒറ്റപ്പെട്ട ഇടങ്ങളില് ശക്തമായ മഴയ്ക്കും മണിക്കൂറില് ഉയർന്ന വേഗതയില് കാറ്റ് വീശാനും സാധ്യതയുണ്ടെന്ന് കാലാവസ്ഥ വകുപ്പ് അറിയിച്ചു. കടല്ക്ഷോഭത്തിനും സാധ്യത നിലനില്ക്കുന്നതിനാല് തീരദേശ മേഖലകളിലെ ജനങ്ങള് അതീവ ജാഗ്രത പാലിക്കണമെന്ന നിർദ്ദേശവും നല്കിയിട്ടുണ്ട്.
Whatsapp Group 1 | Whatsapp Group 2 |Telegram Group
നാളെ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം ജില്ലകളില് യെല്ലോ അലർട്ട് തുടരും. അതേസമയം തിങ്കളാഴ്ച കോട്ടയം, ഇടുക്കി, എറണാകുളം ജില്ലകളിലും മുന്നറിയിപ്പ് പ്രഖ്യാപിച്ചിട്ടുണ്ട്.
മഴ ശക്തമാകാനുള്ള സാധ്യത കണക്കിലെടുത്ത് താഴ്ന്ന പ്രദേശങ്ങളിലുള്ളവർ ജാഗ്രത പാലിക്കണമെന്നും മലയോര മേഖലകളില് രാത്രിയാത്ര പരമാവധി ഒഴിവാക്കണമെന്നും അധികൃതർ നിർദേശിച്ചു.
മത്സ്യത്തൊഴിലാളികളും തീരദേശവാസികളും കാലാവസ്ഥാ മുന്നറിയിപ്പുകള് കൃത്യമായി പിന്തുടരണമെന്നും അധികൃതർ അറിയിച്ചു.
