പെരുമഴയില് സംസ്ഥാനത്തിന് ആശ്വാസമായി ഏറ്റവും പുതിയ കാലാവസ്ഥ പ്രവചനം. നാളെ മുതല് കേരളത്തില് മഴയുടെ ശക്തി കുറയുമെന്നാണ് കേന്ദ്ര കാലാവസ്ഥാ വകുപ്പിന്റെ പ്രവചനം. നിലവില് വടക്കൻ കേരളത്തില് അതിതീവ്ര മഴ തുടരുന്ന സാഹചര്യത്തില് മൂന്ന് ജില്ലകളില് റെഡ് അലർട്ടും രണ്ട് ജില്ലകളില് ഓറഞ്ച് അലർട്ടും പ്രഖ്യാപിച്ചിട്ടുണ്ടെങ്കിലും നാളെ മുതല് എവിടെയും റെഡ്, ഓറഞ്ച് മുന്നറിയിപ്പുകള് ഇല്ല.
നാളെ (ജൂണ് 10) വടക്കൻ ജില്ലകളില് മാത്രമായി മഴ പരിമിതപ്പെടുമെന്നും എന്നാല് ഒറ്റപ്പെട്ട ശക്തമായ മഴയ്ക്ക് സാധ്യതയുള്ളതിനാല് ഇവിടങ്ങളില് മഞ്ഞ അലർട്ട് മാത്രമായിരിക്കും നിലവിലുണ്ടാകുകയെന്നും കാലാവസ്ഥാ വകുപ്പ് അറിയിച്ചു.
