ആലുവയിൽ റെയിൽവേ പാത മുറിച്ച് കടക്കുന്നതിനിടെ ട്രെയിൻ ഇടിച്ച് യുവാവിൻ്റെ കൈ അറ്റു

സ്വന്തം ലേഖിക

കൊച്ചി :റെയിൽവേ പാത മുറിച്ച് കടക്കുന്നതിനിടെ ട്രെയിൻ ഇടിച്ച് യുവാവിൻ്റെ കൈ അറ്റു. ആലുവയിൽ ആണ് സംഭവം തമിഴ്നാട് വിലുപുരം സ്വദേശി ലക്ഷ്മി പതി (50) ന്റെ വലത് കൈയാണ് മുറിഞ്ഞു പോയത് .

പുളിഞ്ചുവട് ഭാഗത്ത് റെയിൽ പാത മുറിച്ച് കടക്കുമ്പോൾ തൃശൂർ ഭാഗത്തേക് പോകുകയായിരുന്ന ജനശദാബ്ദിയാണ് ഇടിച്ചത്.ചോര വാർന്ന് കിടന്ന ഇയാളെ റെയിൽവെ പോലീസ് ആശുപത്രിയിലെത്തിച്ചു.

റെയിൽ പാതയിൽ വളവുള്ള ഭാഗമായതിനാൽ പുളിഞ്ചുവട് ഭാഗത്ത് റെയിൽവെ ലൈൻ മുറിച്ച് കടക്കുന്നത് സ്ഥിരം അപകടത്തിന് കാരണമാകാറുണ്ട്.