സാനിട്ടറി പാഡിനൊപ്പം കമ്പനികൾ അവ സംസ്‌കരിക്കുന്നതിനുള്ള ബയോ ഡീഗ്രേഡബിൾ ബാഗുകളും അടുത്ത വർഷം മുതൽ നൽകണം: കേന്ദ്ര വനം-പരിസ്ഥിതി മന്ത്രി പ്രകാശ് ജാവഡേക്കർ

സ്വന്തം ലേഖകൻ

പൂന: സാനിട്ടറി പാഡിനൊപ്പം കമ്പനികൾ അവ സംസ്‌കരിക്കുന്നതിനുള്ള ബയോ ഡീഗ്രേഡബിൾ ബാഗുകളും അടുത്ത വർഷം ആദ്യം മുതൽ നൽകണമെന്ന് കേന്ദ്ര വനം-പരിസ്ഥിതി മന്ത്രി പ്രകാശ് ജാവഡേക്കർ. അന്താരാഷ്ട്ര വനിതാ ദിനത്തോടനുബന്ധിച്ച് മാലിന്യ സംസ്‌കരണ തൊഴിലാളികളുടെ ചടങ്ങിൽ സംസാരിക്കുകയായിരുന്നു അദ്ദേഹം.

രാജ്യത്ത് സാനിട്ടറി നാപ്കിനുകളുടെയും ഡയപ്പറുകളുടെയും ഉൽപാദനവും ഉപയോഗവും വളരെയധികം വർധിച്ചു. എന്നാൽ അവ ഹാനികരമായ രീതിയിൽഉപേക്ഷിക്കുകപ്പെടുകയാണ്.

സാനിറ്ററി പാഡ് നിർമാതാക്കളോട് ആവർത്തിച്ച് അഭ്യർഥിച്ചിട്ടും അവർ ഇപ്പോഴും ബയോ ഡീഗ്രേഡബിൾ ഡിസ്‌പോസൽ ബാഗുകൾ നൽകുന്നില്ല. 2021 ജനുവരി മുതൽ കേന്ദ്ര സർക്കാർ അത്തരം ബാഗുകൾ നിർബന്ധമാക്കും-മന്ത്രി വ്യക്തമാക്കി.