പൊൻകുന്നത്ത് തീർഥാടക വാഹനം ഇടിച്ച് ബൈക്ക് യാത്ര ക്കാരൻ മരിച്ചു: മരിച്ചത് കെ എസ് ആർടിസി പാലാ ഡിപ്പോയിലെ ഡ്രൈവർ അനിൽ

സ്വന്തം ലേഖകൻ

പൊൻകുന്നം: കൂരാലി മഞ്ചക്കുഴി കവലയിൽ തീർഥാടക വാഹനവും ബൈക്കും കൂടിയിടിച്ച് കെ എസ് ആർ ടിസി ഡ്രൈവർ മരിച്ചു. കൂരാലി മാളികയ്ക്കൽ അനിൽ (പൊന്നുണ്ണി – 51) ആണ് മരിച്ചത്.. പാലാ കെ.എസ്.ആർടിസി ഡിപ്പോയിലെഡ്രൈവറാണ് അനിൽ.

വെള്ളിയാഴ്ച പുലർച്ചെ 3.45 നാണ് അപകടം. അനിൽ പാലാ ഡിപ്പോയിലേക്ക് ജോലിക്ക് പോവുകയായിരുന്നു. എതിരേ തീർഥാടകരുമായി ശബരിമലയ്ക്കു പോയ മിനി ബസ് നിയന്ത്രണം വിട്ട് ഇടിക്കുകയായിരുന്നു.

ഗുരുതരമായി പരിക്കേറ്റ അനിലിനെ കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.
ഇടിച്ച വാഹനം നിർത്താതെ പോകാൻ ശ്രമം നടത്തിയെങ്കിലും പത്രക്കെട്ടുമായി വന്ന ഓട്ടോ ഡ്രൈവർ ഷിഹാബുദീൻവണ്ടി തടഞ്ഞ് പോലീസിൽ അറിയിക്കുകയായിരുന്നു.