പൊലീസ് സ്റ്റേഷനിലേക്ക് ഫോൺ വിളിച്ച് അസഭ്യം പറഞ്ഞ കോട്ടയം സ്വദേശിയായ യുവതി അറസ്റ്റിൽ

സ്വന്തം ലേഖിക

കറുകച്ചാൽ: പോലീസ് സ്റ്റേഷനിലേക്ക് ഫോണിൽ വിളിച്ച് അസഭ്യം വർഷം നടത്തിയ യുവതിയെ പോലീസ് പിടികൂടി. വൈകീട്ട് ആറരമുതൽ പുലർച്ചെ അഞ്ചര വരെ പുതുപ്പള്ളി സ്വദേശിനിയായ യുവതി പോലീസ് സ്റ്റേഷനിൽ വിളിച്ച് അസഭ്യം പറയുകയായിരുന്നു .

നമ്പറിലേക്ക് തിരികെ വിളിക്കുമ്പോഴും അസഭ്യം പറച്ചിൽ തുടരുകയായിരുന്നുമെന്ന് കറുകച്ചാൽ പോലീസ് പറയുന്നു. രാത്രിയിൽ തന്നെ നമ്പറിന്റെ ഉടമയെ കണ്ടെത്തിയെങ്കിലും ഇടയ്ക്ക് ഫോൺ ഓഫ് ചെയ്തു വെച്ചതിനാൽ വിളിക്കാൻ കഴിഞ്ഞില്ല.

പിറ്റേന്നു രാവിലെ യുവതിയെ പോലീസ് വിളിച്ചപ്പോൾ താൻ തോട്ടയ്ക്കാട് ഉണ്ടെന്നും നേരിട്ട് വന്നാൽ കാണാമെന്നും അറിയിച്ചു .തുടർന്ന് തോട്ടയ്ക്കാട് എത്തിയ പോലീസ് സംഘം ഇവരെ കറുകച്ചാൽ സ്റ്റേഷനിലെത്തിച്ചു. മാനസികാസ്വാസ്ഥ്യമുള്ള യുവതിയെ പിന്നീട് വീട്ടുകാർക്കൊപ്പം വിട്ടയക്കുകയായിരുന്നു .