കൊച്ചിയിൽ മോഡലിനെ കൂട്ടമാനഭംഗം ചെയ്‌ത പ്രതികളെ കസ്‌റ്റഡിയിൽ വാങ്ങാൻ പോലീസ്;ബലാത്സംഗം,ഗൂഡാലോചന,തട്ടിക്കൊണ്ടുപോകൽ തുടങ്ങിയ വകുപ്പുകളാണ് പ്രതികൾക്കെതിരെ ചുമത്തിരിക്കുന്നത്‌.

കൊച്ചിയിൽ കാറിൽ വച്ച് മോഡലിനെ കൂട്ടാബലാത്സംഗം ചെയ്ത കേസിൽ പ്രതികളെ കസ്റ്റഡിയിൽ ആവശ്യപ്പെട്ട് പൊലീസ് അപേക്ഷ നൽകും. കേസിലെ നാല് പ്രതികളും റിമാൻഡിൽ ആണ്. ബലാത്സംഗം,ഗൂഡാലോചന,തട്ടിക്കൊണ്ടുപോകൽ തുടങ്ങിയ വകുപ്പുകളാണ് പ്രതികൾക്കെതിരെ ചുമത്തിരിക്കുന്നത്‌. റിമാൻഡിൽ തുടരുന്ന പ്രതികളെ കസ്റ്റഡിയിൽ വാങ്ങി ചോദ്യം ചെയ്യാനാണ് അന്വേഷണസംഘത്തിന്റെ തീരുമാനം. അടുത്ത മാസം മൂന്നുവരെയാണ് പ്രതികളുടെ റിമാൻഡ് കാലാവധി

ബലാത്സംഗം, കടത്തി​ക്കൊണ്ടുപോകൽ കുറ്റങ്ങൾക്കൊപ്പം ഗൂഢാലോചനയും ചുമത്തിയ പൊലീസ് അന്വേഷണം വിപുലീകരിച്ചിട്ടുണ്ട്. ഏതാനും വർഷങ്ങളായി​ കൊച്ചി​യി​ൽ മോഡലിംഗ് രംഗത്തുള്ള രാജസ്ഥാൻകാരിയായ ഡി​മ്പി​ൾ ലാമ്പ​ (ഡോളി-19) ഡി.ജെ.പാർട്ടിക്കെന്ന് പറഞ്ഞ് ഹോട്ടലിലേക്ക് കൊണ്ടുപോയതാണെന്ന് യുവതി മൊഴി നൽകി.

എറണാകുളം മെഡി​. കോളേജിൽനിന്ന് യുവതിയെ അവരുടെ ആവശ്യപ്രകാരം ഡി​സ്ചാർജ് ചെയ്തു. കാര്യമായ പരിക്കി​ല്ലെന്നാണ് മെഡി​ക്കൽ റി​പ്പോർട്ട്. മജി​സ്ട്രേറ്റി​ന് മുന്നി​ൽ ​ രഹസ്യമൊഴി​ രേഖപ്പെടുത്തി​. യുവതി​യും കൂട്ടുകാരി​യും താമസി​ച്ചി​രുന്ന കാക്കനാട് ഇൻഫോ പാർക്കി​ലെ ഓയോ റൂമി​ൽ നി​ന്ന് സംഭവദി​വസം ധരി​ച്ചി​രുന്ന വസ്ത്രങ്ങൾ ഫൊറൻസി​ക് പരി​ശോധനയ്ക്കായി​ കസ്റ്റഡി​യി​ലെടുത്തു. തേവര അറ്റ്ലാന്റി​സി​ലെ ഹോട്ടലി​ലെ ഡാൻസ് ഫ്ളോർ പൊലീസ് സീൽ ചെയ്തു. ഹോട്ടലി​ലെയും വാഹനം സഞ്ചരി​ച്ച പ്രദേശങ്ങളി​ലെയും സി​.സി​.ടി​.വി​ ദൃശ്യങ്ങളും ശേഖരി​ച്ചു. വാഹനത്തി​ലും ഫൊറൻസി​ക് പരി​ശോധന നടത്തി​.

ഡി​.ജെ പാർട്ടി​ക്ക് ശേഷം മദ്യപി​ക്കവേ കുഴഞ്ഞുവീണ യുവതി​യെ മഹീന്ദ്ര ഥാറിൽ കയറ്റി​ നഗരത്തി​ൽ ഒരു മണി​ക്കൂറോളം ചുറ്റി​ മാനഭംഗപ്പെടുത്തി​യെന്നാണ് പരാതി​. കാസർകോട് സ്വദേശിയായ യുവതി പ്രായപൂർത്തി​യാകും മുമ്പ് ​ ഫോർട്ടുകൊച്ചി​ സ്വദേശി​യെ വി​വാഹം ചെയ്തി​രുന്നു. രണ്ട് വർഷം മുമ്പ് ഭർത്താവി​നും കുടുംബത്തി​നുമെതി​രെ പരാതി നൽകി. യുവാവി​നെതി​രെ പോക്സോകേസും കുടുംബാംഗങ്ങൾക്കെതി​രെ ഗാർഹി​ക പീഡനത്തി​ന് കേസുമെടുത്തി​രുന്നു. പി​ന്നീട് കൊച്ചി​യി​ൽ തങ്ങി​ മോഡലിംഗ്, സീരി​യൽ രംഗത്ത് തുടർന്നു. ഒ.ടി​.ടി​ പ്ളാറ്റ്ഫോമി​ൽ ടി​.വി​.സീരി​സി​ലും ​ അഭി​നയി​ച്ചി​ട്ടുണ്ടെന്ന് അറി​യുന്നു.

ഒന്നാം പ്രതി പി.എസ്.വിവേക് (26), രണ്ടാം പ്രതി​ സുധീപ് (27), മൂന്നാം പ്രതി​ നി​ധി​ൻ (25) നാലാം പ്രതി​ ഡി​മ്പി​ൾ ലാമ്പ (ഡോളി​ -19) എന്നി​വരെ മജി​സ്ട്രേറ്റി​നു മുന്നി​ൽ ഹാജരാക്കി​ റി​മാൻഡ് ചെയ്തു. വാഹനയുടമയായ വി​വേക് ഏവി​യേഷൻ കോഴ്സി​ന് ശേഷം ഗൾഫി​ൽ എയർലൈൻ കമ്പനി​യി​ൽ ജോലി​ ചെയ്തി​രുന്നു. സുധീപ് ബി​.ടെക്കുകാരനാണ്. നി​ഥി​ൻ ഡ്രൈവറാണ്. മൂവരും കൊടുങ്ങല്ലൂർ സ്വദേശി​കളാണ്.