സോഷ്യൽ മീഡിയ വഴി പരിചയപ്പെട്ട പെൺകുട്ടിയെ പിന്തുടർന്ന് ശല്യപ്പെടുത്തി; പോക്സോ കേസിൽ തൃപ്പൂണിത്തുറ സ്വദേശി പാമ്പാടി പോലീസിൻ്റെ പിടിയിൽ

സ്വന്തം ലേഖിക

കോട്ടയം: പ്രായപൂർത്തിയാകാത്ത പെൺകുട്ടിയെ ശല്യപ്പെടുത്തിയ കേസിൽ യുവാവിനെ പോലീസ് അറസ്റ്റ് ചെയ്തു.

തൃപ്പൂണിത്തുറ ഏരൂർ, കിഴക്കേ അക്കര നമ്പർ 10 വീട്ടിൽ ക്രിസ്തുരാജ് മകൻ സൂര്യ .സി (19) എന്നയാളെയാണ് പാമ്പാടി പോലീസ് അറസ്റ്റ് ചെയ്തത്. ഇയാൾ അതിജീവിതയെ സമൂഹമാധ്യമം വഴി പരിചയപ്പെട്ട് പിന്തുടർന്ന് ശല്യപ്പെടുത്തുകയായിരുന്നു.

അതിജീവിതയുടെ പരാതിയെ തുടർന്ന് പോലീസ് കേസ് രജിസ്റ്റർ ചെയ്യുകയും യുവാവിനെ അറസ്റ്റ് ചെയ്യുകയുമായിരുന്നു. പാമ്പാടി സ്റ്റേഷൻ എസ്.എച്ച്.ഓ പ്രശാന്ത്കുമാർ, എസ്.ഐ ശ്രീരംഗൻ, സി.പി.ഓ മാരായ മഹേഷ്, സിന്ധു എന്നിവർ ചേർന്നാണ് പ്രതിയെ അറസ്റ്റ് ചെയ്തത്. ഇയാളെ കോടതിയിൽ ഹാജരാക്കി റിമാൻഡ് ചെയ്തു.