മകൾ പ്രസവിച്ച കുട്ടിയുമായി അമ്മ ആശുപത്രിയിൽ; കുട്ടിയുടെ അമ്മ താനെന്ന് ജീനക്കാരോട് കള്ളം പറഞ്ഞു; സംശയം തോന്നിയ ആശുപത്രി അധികൃതർ പരിശോധന നടത്തി ചോദ്യം ചെയ്തപ്പോൾ പുറത്തുവന്നത് പതിനഞ്ചുകാരിയായ മകൾ അമ്മയായ കഥ; പോക്സോ കേസിൽ ഇരയായ പെൺകുട്ടി പ്രസവിച്ച സംഭവത്തിൽ അന്വേഷണം ആരംഭിച്ച്‌ പൊലീസ്

കൊല്ലം:കുളത്തൂപ്പുഴയില്‍ പതിനഞ്ചുകാരി പ്രസവിച്ചു. 2016 ല്‍ കുളത്തൂപ്പുഴ പൊലീസ് രജിസ്റ്റര്‍ ചെയ്ത പോക്സോ കേസിലെ അതിജീവിതയായ പെണ്‍കുട്ടിയാണ് പ്രസവിച്ചത്.

ഈ കേസ് രജിസ്റ്റര്‍ ചെയ്തതിന് ശേഷം പെണ്‍കുട്ടി വീണ്ടും പീഡിപ്പിക്കപ്പെട്ടെന്നാണ് വിവരം. സംഭവത്തില്‍ കുളത്തൂപ്പഴ പൊലീസ് അന്വേഷണം തുടങ്ങി.

കുളത്തൂപ്പുഴയിലെ സ്വന്തം വീട്ടിലാണ് പതിനഞ്ചുകാരി പ്രസവിച്ചത്. പ്രസവശേഷം കുഞ്ഞുമായി പെണ്‍കുട്ടിയുടെ അമ്മ പുനലൂര്‍ താലൂക്ക് ആശുപത്രിയിലെത്തിയെങ്കിലും പെണ്‍കുട്ടി പ്രസവിച്ച വിവരം പറഞ്ഞില്ല.

താനാണ് പ്രസവിച്ചത് എന്നാണ് പറഞ്ഞത്. എന്നാല്‍ സംശയം തോന്നിയ ആശുപത്രി ജീവനക്കാര്‍ നടത്തിയ പരിശോധനയിലാണ് കാര്യങ്ങള്‍ വ്യക്തമായത്. തന്റെ 15 വയസ്സുകാരിയായ മകളാണ് പ്രസവിച്ചതെന്ന് ഇവര്‍ സമ്മതിച്ചു.