വിദ്യാര്‍ത്ഥിനികളോട് മോശമായി പെരുമാറി; സിപിഎം നേതാവായ അധ്യാപകനെതിരെ പോക്സോ കേസ്

സ്വന്തം ലേഖിക

മലപ്പുറം: മോശമായി പെരുമാറിയെന്ന വിദ്യാര്‍ത്ഥിനികളുടെ പരാതിയിൽ മലപ്പുറത്ത് സിപിഎം നേതാവായ അധ്യാപകനെതിരെ പോക്സോ കേസ്.

എടക്കര സിപിഎം ഏരിയാ കമ്മറ്റിയംഗവും, സിപിഎം നിയന്ത്രണത്തിലുള്ള നിലമ്പൂര്‍ സഹകരണ കോളേജിലെ സെക്രട്ടറിയും അധ്യാപകനുമായ സുകുമാരനെതിരെയാണ് നിലമ്പൂര്‍ പൊലീസ് കേസെടുത്തിരിക്കുന്നത്.

കേസെടുത്തതിന് പിന്നാലെ മജിസ്ട്രേറ്റ് മുന്‍പാകെ വിദ്യാര്‍ത്ഥിനികളുടെ രഹസ്യ മൊഴിയും രേഖപ്പെടുത്തിയിട്ടുണ്ട്.

നാല് വിദ്യാര്‍ത്ഥിനികളുടെ പരാതിയില്‍ രണ്ട് കേസുകളാണ് സുകുമാരനെതിരെ രജിസ്റ്റര്‍ ചെയ്തിട്ടുള്ളത്.