പോക്സോ കേസ് അതിജീവിതയെ ഭിഷണിപെടുത്തുകയും, ചിത്രങ്ങൾ പ്രചരിപ്പിക്കാൻ കൂട്ടുനിൽക്കുകയും ചെയ്തു; ഇടുക്കി പീരുമേട് സ്വദേശി പോലീസ് പിടിയിൽ

സ്വന്തം ലേഖിക

കോട്ടയം: പോക്സോ പ്രതിയെ സഹായിച്ച കേസിൽ യുവാവിനെ പോലീസ് അറസ്റ്റ് ചെയ്തു.

ഇടുക്കി പീരുമേട് ഗ്ളൻമേരി ഭാഗത്ത് ആഞ്ഞിലി വിളയിൽ വീട്ടിൽ രാജൻ മകൻ രാഹുൽ രാജ് (25) നെയാണ് പള്ളിക്കത്തോട് പോലീസ് അറസ്റ്റ് ചെയ്തത്.

ഇയാൾ പോക്സോ കേസിലെ പ്രതിയായ യുവാവ് നൽകിയ അതിജീവിതയുടെ ചിത്രങ്ങൾ സൂക്ഷിക്കുകയും, അതിജീവിതയെ ഭിഷണിപെടുത്തുകയും, അത് പ്രചരിപ്പിക്കാൻ കൂട്ടുനിൽക്കുകയും ചെയ്ത കേസിലാണ് പോലീസ് അറസ്റ്റ്ചെയ്തത്.

പള്ളിക്കത്തോട് എസ്.എച്ച്. ഓ പ്രതീപ് എസ്, എ.എസ്.ഐ രമേശ് ബാബു, സി. പി. ഓ സുഭാഷ് എന്നിവർ ചേർന്നാണ് ഇയാളെ അറസ്റ്റ് ചെയ്തത്. പ്രതിയെ കോടതിയിൽ ഹാജരാക്കി.