പെരുമ്പാവൂര്‍ സ്റ്റേഷനില്‍ പൊലീസുകാര്‍ക്ക് പ്രതികളുടെ മര്‍ദനം; എസ്‌ഐ അടക്കം മൂന്ന് പേര്‍ക്ക് പരിക്ക്; മര്‍ദിച്ചത് മോഷണക്കേസ് പ്രതികൾ

സ്വന്തം ലേഖിക

കൊച്ചി: പെരുമ്പാവൂര്‍ പൊലീസ് സ്റ്റേഷനില്‍ പൊലീസുകാര്‍ക്ക് മര്‍ദനം.

എസ്‌ഐ അടക്കം മൂന്നുപേര്‍ക്ക് പരിക്കേറ്റു. കുറുപ്പംപടി സ്റ്റേഷനിലെ മോഷണക്കേസ് പ്രതികളാണ് മര്‍ദിച്ചത്.

വിരലടയാള പരിശോധയ്ക്ക് പെരുമ്പാവൂര്‍ സ്റ്റേഷനില്‍ എത്തിച്ചപ്പോഴായിരുന്നു സംഭവം. പരിശോധയ്ക്ക് എത്തിച്ച നാലു പ്രതികളില്‍ രണ്ടുപേരാണ് മര്‍ദിച്ചത്.

പെരുമ്പാവൂര്‍ എസ്‌ഐ റിന്‍സിനും കുറുപ്പംപടി സ്റ്റേഷനിലെ 2 പൊലീസുകാര്‍ക്കും ആക്രമണത്തില്‍ പരിക്കേറ്റു. റിന്‍സിന്റെ കൈ അക്രമികളില്‍ ഒരാള്‍പിടിച്ച്‌ തിരിക്കുകയായിരുന്നു.

മറ്റുരണ്ടു പൊലീസുകാരെ മര്‍ദിക്കുകയും ചെയ്തു. കൂടാതെ ട്യൂട്ടിയില്‍ ഉണ്ടായിരുന്ന വനിതാ പൊലീസ് ഉദ്യോഗസ്ഥയോട് പ്രതികള്‍ മോശമായി പെരുമാറുകയും ചെയ്തു. ആക്രമിച്ച പ്രതികളെ കുറുപ്പംപടി പൊലീസ് സ്റ്റേഷനിലേക്ക് മാറ്റി.