പത്തനംതിട്ട അടൂരില്‍ ഏഴംഗ സംഘം സഞ്ചരിച്ച കാര്‍ കനാലിലേയ്ക്ക് മറിഞ്ഞ് അപകടം; രണ്ട് മരണം; നാലിപേർക്ക് പരിക്ക്; ഒരാൾക്കായി തിരച്ചിൽ തുടരുന്നു

സ്വന്തം ലേഖിക
പത്തനംതിട്ട : പത്തനംതിട്ട അടൂരില്‍ കാര്‍ കനാലിലേയ്ക്ക് മറിഞ്ഞ് രണ്ട് മരണം. കാറിലുണ്ടായിരുന്ന ഏഴംഗ സംഘത്തിലെ നാലുപേരെ ആശുപത്രിയിലെത്തിച്ചു .ഒരാൾക്കായി തിരച്ചിൽ തുടരുന്നു.

അടൂര്‍ കരുവാറ്റ പള്ളിക്ക് സമീപം പകൽ രണ്ടു മണിയോടെയാണ് കാര്‍ കനാലിലേയ്ക്ക് മറിഞ്ഞത്.. നിലവില്‍ വാഹനം കരയ്ക്ക് കയറ്റിയിട്ടുണ്ട്.

കാറിലുണ്ടായതില്‍ ആറു പേരെ കരയ്‌ക്കെത്തിച്ചതായും പൊലീസ് അറിയിക്കുന്നു. ഒരാൾക്കായി തിരച്ചിൽ തുടർന്ന് കൊണ്ടിരിക്കുന്നു.

കൊട്ടാരക്കരയില്‍ നിന്നും അടൂര്‍ ഭാഗത്തേക്ക് വന്ന കാറാണ് അപകടത്തില്‍പ്പെട്ടത്. പൊലീസും ഫയര്‍ഫോഴ്‌സും സ്ഥലത്തെത്തിയിട്ടുണ്ട്. എങ്ങനെയാണ് അപകടം നടന്നതെന്നതില്‍ വ്യക്തത വന്നിട്ടില്ല.