പാലാ ളാലം പള്ളിക്ക് സമീപം ബൈപാസ് റോഡിൽ നിർമ്മാണത്തിനായി റോഡിൽ ഇറക്കിയിട്ടിരുന്ന മെറ്റലിൽ തട്ടി ബൈക്ക് മറിഞ്ഞ് യാത്രക്കാരന് പരിക്ക്; റോഡിൽ സിഗ്നൽ ബോർഡോ, അപായസൂചനയോ സ്ഥാപിച്ചിരുന്നില്ലെന്ന് പരാതി

സ്വന്തം ലേഖിക

പാല: സെൻ്റ് മേരീസ് സ്കൂളിനും ളാലം പള്ളിക്കും സമീപം ബൈപാസിൽ റോഡിൽ നിർമ്മാണത്തിനായി ഇറക്കിയിട്ടിരുന്ന മെറ്റലിൽ തട്ടി ബൈക്ക് മറിഞ്ഞ് യാത്രക്കാരന് പരിക്ക്.

രാത്രിയിൽ ഇതുവഴി പോയ ബൈക്കാണ് അപകടത്തിപ്പെട്ടത്.
എംസാൻ്റും, മെറ്റിലും ഇന്നലെ വൈകിട്ട് റോഡിൻ്റെ പകുതിയോളം ഇറക്കിയിട്ടിരുന്നു.

എന്നാൽ റോഡിൽ യാത്രക്കാർക്കായി ഒരു സിഗ്നൽ ബോർഡോ, അപായസൂചനയോ സ്ഥാപിച്ചിരുന്നില്ല എന്നാണ് പരാതി. പ്രദേശത്ത് വഴിവിളക്ക് ഇല്ലാത്തതും അപകടത്തിന് കാരണമായെന്നും പറയുന്നു.

അപകടത്തിൽ പരിക്കേറ്റ ബൈക്ക് യാത്രക്കാരനെ പാലാ ഗവ. ആശുപത്രിയിൽ പ്രവേശിപ്പിച്ചു.