പി.സതീദേവി വനിതകമ്മീഷന്‍ അധ്യക്ഷ; ജോസഫൈന്‍ രാജിവെച്ച ഒഴിവിലാണ് സതീദേവിയുടെ നിയമനം

സ്വന്തം ലേഖകൻ

തിരുവനന്തപുരം : പി.സതീദേവി വനിതകമ്മീഷന്‍ അധ്യക്ഷയാകും. ഔദ്യോഗിക പ്രഖ്യാപനം ഉടന്‍ ഉണ്ടാവുമെന്നാണ് സൂചന.

സി.പി.എം സംസ്ഥാന കമ്മിറ്റി അംഗമായ സതീദേവി ജനാധിപത്യ മഹിളാ അസോസിയേഷന്റെയും നേതാവാണ്.

വടകരയില്‍ നിന്നുള്ള പാര്‍ലമെന്റ് അംഗമായിരുന്നു. സി.പി.എം സംസ്ഥാന സെക്രട്ടറിയേറ്റില്‍ ഇത് സംബന്ധിച്ച് ധാരണയായി.

എം.സി ജോസഫൈന്‍ രാജിവെച്ച ഒഴിവിലാണ് സതീദേവിയുടെ നിയമനം.

പരാതിക്കാരിയായ സ്ത്രീയോട് അപമര്യാദയായി പെരുമാറിയതിനെ തുടര്‍ന്നാണ് ജോസഫൈന് രാജിവെക്കേണ്ടി വന്നത്.