സംസ്ഥാന ബഡ്ജറ്റ് : ജീവനക്കാർ കളക്ട്രേറ്റിൽ പ്രതിഷേധ പ്രകടനം നടത്തി

സ്വന്തം ലേഖകൻ

കോട്ടയം : സംസ്ഥാന ബഡ്ജറ്റിൽ ജീവനക്കാരെ അവഗണിക്കുകയും പഴയ പ്രഖ്യാപനങ്ങൾ മാത്രം വീണ്ടും പ്രഖ്യാപിക്കുകയും ശബള പരിഷ്‌ക്കരണത്തിന് തുക വകയിരുത്താതതിലും പ്രതിഷേധിച്ച് കേരള എൻ ജി ഒ അസോസിയേഷൻ ജില്ലാ കമ്മറ്റിയുടെ നേതൃത്വത്തിൽ ജീവനക്കാർ കളക്ട്രേറ്റിൽ പ്രതിഷേധ പ്രകടനവും യോഗവും നടത്തി.

ജില്ലാ വൈസ് പ്രസിഡന്റ് ജെ ജോബിൻസന്റെ അധ്യക്ഷതയിൽ ചേർന്ന പ്രതിഷേധ യോഗം അസോസിയേഷൻ സംസ്ഥാന സെക്രട്ടറി രഞ്ജു കെ മാത്യു ഉദ്ഘാടനം ചെയ്തു.

സംസ്ഥാന സെക്രട്ടേറിയറ്റ് അംഗം സതീഷ് ജോർജ് സംസ്ഥാന കമ്മറ്റി അംഗം ഷീജ ബീവി പി.എച്ച് , ബെന്നി ജോർജ് , കണ്ണൻ ആൻഡ്രൂസ് ,ജില്ലാ ഭാരവാഹികളായ അനൂപ് പ്രാപ്പുഴ , റോബി ജെ , സ്മിത രവി എന്നിവർ പ്രസംഗിച്ചു. ഷാജിമോൻ ഏബ്രഹാം , സജിമോൻ ഏബ്രഹാം , പി.എൻ . ചന്ദ്രബാബു , പ്രതീഷ് കുമാർ , എം.സി. ജോണിക്കുട്ടി , രാജേഷ് വി.ജി. , ഗോപകുമാർ വി.ആർ എന്നിവർ പ്രകടനത്തിന് നേതൃത്വം നൽകി