ബാഗില്‍ ബോംബെന്ന് യുവതി; ഇൻഡിഗോ വിമാനത്തില്‍ വീണ്ടും പരിശോധന; നെടുമ്പാശേരിയില്‍ വിമാനം പുറപ്പെടാന്‍ വൈകി

സ്വന്തം ലേഖിക

കൊച്ചി: യുവതിയുടെ ബോംബ് ഭീഷണിയെത്തുടര്‍ന്ന് നെടുമ്പാശേരിയില്‍ വിമാനം പുറപ്പെടാൻ വൈകി.

മുംബൈയിലേക്കുള്ള വിമാനമാണ് വൈകിയത്. ഇൻഡിഗോ വിമാനത്തില്‍ മുംബൈക്കു പോകാനെത്തിയ തൃശൂര്‍ സ്വദേശിനിയാണ് സുരക്ഷാ പരിശോധനക്കിടെ ബാഗേജില്‍ ബോംബാണെന്ന് പറഞ്ഞത്.

ഇതിനെ തുടര്‍ന്ന് സുരക്ഷാ പരിശോധനയുടെ ഭാഗമായി വിമാനത്തില്‍ വീണ്ടും പരിശോധ നടത്തുകയായിരുന്നു.

സംഭവത്തില്‍ യുവതിയെ നെടുമ്പാശേരി പൊലീസിന് കൈമാറി.
യുവതിയെ കൂടുതല്‍ ചോദ്യം ചെയ്യും.