മദ്യലഹരിയിൽ സുഹൃത്തുക്കൾ തമ്മിൽ വാക്ക് തർക്കം ; ഒരാൾ കുത്തേറ്റു മരിച്ചു ; മൂന്നുപേർ കസ്റ്റഡിയിൽ ; റബ്ബർ വെട്ടുന്ന കത്തി കൊണ്ടാണ് കുത്തേറ്റത് ; ആശുപത്രിയിൽ എത്തിച്ചെങ്കിലും മരണം സംഭവിക്കുകയായിരുന്നു

ഇടുക്കി : മദ്യ ലഹരിയിൽ സുഹൃത്തുക്കൾ തമ്മിൽ ഉണ്ടായ വാക്ക് തർക്കത്തിനിടെ ഒരാൾ കുത്തേറ്റു മരിച്ചു. തൊടുപുഴ കാഞ്ഞറിലാണ് സംഭവം. ഞാളിയാനി സ്വദേശി സാം ജോസഫ് (40) ആണ് മരിച്ചത്. ഇന്നലെയാണ് സംഭവം.

സാം ജോസഫ് ഉൾപ്പെടെ നാല് സുഹൃത്തുക്കൾ ഒരുമിച്ചിരുന്ന് മദ്യപിക്കുന്നതിനിടെയാണ് ത‍‍ർക്കം ഉണ്ടായത്. ഇതിനിടയിൽ ഒരു സുഹൃത്ത് കത്തി കൊണ്ട് കുത്തുകയായിരുന്നു. റബ്ബർ വെട്ടുന്ന കത്തി ഉപയോഗിച്ചാണ് കുത്തിയത്. സാം ജോസഫിന്റെ കഴുത്തിലാണ് റബ്ബർ വെട്ടുന്ന കത്തികൊണ്ട് കുത്ത് ഏറ്റത് . കഴുത്തിൽ ആഴത്തിൽ കുത്തേറ്റ സാം ജോസഫിനെ ആശുപത്രിയിൽ എത്തിച്ചെങ്കിലും മരണം സംഭവിച്ചു. സാം ജോസഫിന്റെ ഒപ്പം ഉണ്ടായിരുന്ന മൂന്നുപേരേയും പൊലീസ് കസ്റ്റഡിയിലെടുത്തു.