മുണ്ടക്കയം കുഴിമാവില്‍ വീട്ടുമുറ്റത്ത്പു ലിയെ കണ്ട് വീട്ടമ്മ ; പൂച്ചപ്പുലി എന്ന് വനം വകുപ്പ്.ഭീതിയിൽ നാട്ടുകാർ

സ്വന്തം ലേഖകൻ

മുണ്ടക്കയം : കുഴിമാവ് 116 ഭാഗത്ത് കറിക്കറ്റൂര്‍ ബിനോജിന്റെ വീടിനു സമീപം രാത്രി പുലിയുടെ സമാനമായ ജീവിയെ കണ്ടതായി വീട്ടമ്മ. പൂച്ചപ്പുലിയാണെന്ന് വനം വകുപ്പ്.

സംഭവം ചൊവ്വാഴ്ച രാത്രി 7:30 ഓടെ വീടിന്റെ പിൻഭാഗത്തെ മുറ്റത്ത് ബിനോജിന്റെ ഭാര്യ സുനിത ഇറങ്ങിയപ്പോള്‍ മൃഗത്തെ കാണുകയായിരുന്നു. വലിയ പശുക്കിടാവിന്റെ അത്രയും വലിപ്പമുള്ള ജീവിയുടെ പുറത്ത് വരകള്‍ കണ്ടതായും വീട്ടമ്മ പറയുന്നു. ഇവര്‍ പേടിച്ച്‌ ബഹളം വച്ചതോടെ സമീപത്തെ കാട്ടിലേക്ക് മൃഗം ഓടി മറിഞ്ഞു.

ഈ പ്രദേശത്തെ മുൻപും നിരവധി ആളുകള്‍ സമാനമായി ഈ ജീവിയെ കണ്ടിട്ടുണ്ട്. പുലി തന്നെയാണെന്നാണ് നാട്ടുകാര്‍ പറയുന്നത്. എന്നാല്‍ പൂച്ചപ്പുലി ആണെന്ന് വനം വകുപ്പ് പറയുന്നു.

സര്‍ക്കാര്‍ വക തേക്ക് കൂപ്പ് വനം എന്നിവയുടെ അതിര്‍ത്തിയിലാണ് ഈ പ്രദേശം. കാട്ടുപന്നി കാട്ടുപോത്ത് തുടങ്ങിയ മൃഗങ്ങളുടെ ആക്രമണം ഇവിടെ ഉണ്ടായിട്ടുണ്ട് . പുലിയുടെ സമാനമായ മൃഗത്തെ കണ്ടതോടെ ഭീതിയിലാണ് നാട്ടുകാര്‍.