മുണ്ടക്കയത്തിന് സമീപം ചോറ്റിയിൽ അമിത വേഗതയിലെത്തിയ ഗ്യാസ് ടാങ്കർ ലോറി ബൈക്ക് യാത്രക്കാരനെ ഇടിച്ചു വീഴ്ത്തി; ഇളംകാട് സ്വദേശിക്ക് ദാരുണാന്ത്യം

സ്വന്തം ലേഖകൻ

മുണ്ടക്കയം: മുണ്ടക്കയത്തിന് സമീപം ചോറ്റിയിൽ അമിത വേഗതയിലെത്തിയ ഗ്യാസ് ടാങ്കർ ലോറി ബൈക്ക് യാത്രക്കാരനെ ഇടിച്ചു വീഴ്ത്തി. ഇളംകാട് സ്വദേശിക്ക് ദാരുണാന്ത്യം.

ഇളംകാട് സ്വദേശി അനന്തു ടി ബിജു ആണ് മരിച്ചത്. ഗ്യാസ് കുറ്റി കയറ്റിവന്ന ലോറി അമിതവേഗതയിലെത്തുകയായിരുന്നു.

കെ.കെ റോഡിൽ ചോറ്റിക്കും ചിറ്റടിക്കുമിടയിലാണ് അപകടം.മൃതദേഹം കാത്തിരപ്പള്ളി താലൂക്ക് ആശുപത്രി മോർച്ചറിയിലേക്ക് മാറ്റി.

ലോറിയും ലോറി ഡ്രൈവറെയും കസ്റ്റഡിയിലെടുത്തു. ഡ്രൈവറുടെ ലൈസൻസ് റദ്ദാക്കാനുള്ള നടപടി സ്വീകരിക്കും.