കൊല്ലം തെന്മലയിൽ സദാചാര ഗുണ്ടായിസം: വ്യക്തിവിരോധത്തെ തുടർന്ന് യുവാവിനെ നഗ്നനാക്കി പോസ്റ്റിൽ കെട്ടിയിട്ട് മർദ്ദിച്ച 4 പേരെ പോലീസ് അറസ്റ്റ് ചെയ്തു

കൊല്ലം: തെന്മലയിൽ സദാചാര ഗുണ്ടായിസം. യുവാവിനെ നഗ്നനാക്കി റോഡിലെ പോസ്റ്റിൽ കെട്ടിയിട്ട് ക്രൂരമായി മർദ്ദിച്ചു. ഇടമൺ സ്വദേശി നിഷാദിനാണ് ക്രൂര മർദ്ദനമേറ്റത്.

കഴിഞ്ഞ വ്യാഴാഴ്ച തെന്മല ഇടമണിൽ രാത്രിയായിരുന്നു യുവാവിനെ സംഘം ചേർന്ന് ആക്രമിച്ചത്. വ്യക്തിവിരോധമാണ് ആക്രമത്തിന് കാരണമെന്ന് പോലീസ് പറഞ്ഞു.

സംഭവത്തിൽ തെന്മല പോലീസ് കേസെടുത്തു അന്വേഷണം ആരംഭിച്ചു. ഇടമൺ സ്വദേശികളായ സുജിത്ത്, രാജീവ്, സിബിൻ, അരുൺ എന്നിവരെ പോലീസ് അറസ്റ്റ് ചെയ്തു.