മൂന്നാര്‍ ഹൈഡല്‍ പാര്‍ക്കിന് എന്‍.ഒ.സി നിഷേധിച്ച അഡീഷണല്‍ ചീഫ് സെക്രട്ടറിയുടെ നടപടിയ്‌ക്കെതിരെ ; മൂന്നാർ സഹകരണ ബാങ്ക് ഹൈക്കോടതിയിൽ

സ്വന്തം ലേഖിക

ഇടുക്കി :മൂന്നാര്‍ ഹൈഡല്‍ പാര്‍ക്കിന് എന്‍ ഒ സി നിഷേധിച്ച അഡീഷണല്‍ ചീഫ് സെക്രട്ടറിയുടെ ഉത്തരവിനെതിരെ മൂന്നാർ സഹകരണ ബാങ്ക് ഹൈക്കോടതിയെ സമീപിച്ചു.

താൽക്കാലിക നിർമ്മാണപ്രവർത്തനങ്ങൾ ഇടക്കാല ഉത്തരവിൻ്റെ ലംഘനമല്ലന്ന് ചൂണ്ടിക്കാട്ടിയാണ് കോടതിയെ സമീപിച്ചത്. അഡീഷണല്‍ ചീഫ് സെക്രട്ടറിയുടെ ഉത്തരവിനെതിരേ മന്ത്രി സഭയ്ക്കും ബാങ്ക്, അപ്പീല്‍ നല്‍കിയിട്ടുണ്ട്.

കഴിഞ്ഞ ദിവസമാണ് മൂന്നാര്‍ ഹൈഡല്‍ പാര്‍ക്കില്‍ പുതിയതായി നടത്തുന്ന നിര്‍മ്മാണത്തിന് എന്‍ ഒ സി നിഷേധിച്ച് അഡീഷണല്‍ ചീഫ് സെക്രട്ടറി എ ജയതിലക് ഉത്തരവിറക്കിയത്.

ബാങ്ക് നടത്തിയത് ഇടക്കാല ഉത്തരവിന്‍റെ ലംഘനമാണെന്നുമായിരുന്നു ഉത്തരവില്‍ വ്യക്തമാക്കിയിരുന്നത്. ഇതിനെതിരെയാണ് ഭൂമി പാട്ടത്തിനെടുത്തിരിക്കുന്ന മൂന്നാർ സഹകരണ ബാങ്ക് ഹൈക്കോടതിയെ സമീപിച്ചത്.