ഇഷ്ട നമ്പറിൽ പുതിയ കാരവാന് സ്വന്തമാക്കി ലാലേട്ടന്; വൈറലായ ചിത്രങ്ങള് കാണാം..
സ്വന്തം ലേഖിക
കൊച്ചി: വൈറലായി മോഹന്ലാലിന്റെ പുതിയ വാഹനം.
പുതിയ കാരവാനാണ് മോഹന്ലാല് സ്വന്തമാക്കിയിരിക്കുന്നത്. മോഹന്ലാലിന്റെ ഇഷ്ട നമ്പറായ 2255 ഈ വാഹനത്തിനും സ്വന്തമാക്കിയിട്ടുണ്ട്. ബ്രൗണ് നിറത്തിലുള്ള കാരവാന് വാഹന പ്രേമികളുടെ മനംകവരുകയാണ്.
Whatsapp Group 1 | Whatsapp Group 2 |Telegram Group
ഓജസ് ഓട്ടോമൊബൈല്സാണ് ഭാരത് ബെന്സിന്റെ 1017 ബസിനെ ആഡംബര കാരവാനായി രൂപപ്പെടുത്തിയിരിക്കുന്നത്. സാമൂഹിക മാധ്യമങ്ങളിലാണ് മോഹന്ലാലിന്റെ കാരവാന്റെ ചിത്രങ്ങള് പ്രത്യക്ഷപ്പെട്ടിരിക്കുന്നത്.
എറണാകുളം ആര്.ടി.ഒയ്ക്കു കീഴില് സ്വകാര്യ വാഹനമായി രജിസ്റ്റര് ചെയ്താണ് ഈ വാഹനം അദ്ദേഹം സ്വന്തമാക്കിയിരിക്കുന്നത്. ബ്രൗണ് നിറത്തില് ഒരുങ്ങിയിട്ടുള്ള വാഹനത്തിന് കൂടുതല് അഴകേകുന്നതിനായി വശങ്ങളില് വലിയ ഗ്രാഫിക്സ് സ്റ്റിക്കറുകളും നല്കിയാണ് അലങ്കരിച്ചിരിക്കുന്നത്. കിടപ്പുമുറിയുള്പ്പെടെയുള്ള അടിസ്ഥാന സൗകര്യങ്ങളുമായാണ് ഈ വാഹനം ഒരുക്കിയിരിക്കുന്നതെന്നാണ് വിവരം.
3907 സി.സി. ശേഷിയുള്ള നാല് സിലിണ്ടര് 4ഡി34ഐ സി.ആര്.ഡി.ഐ ഡീസല് എന്ജിനാണ് ഈ വാഹനത്തിന് കരുത്തേകുന്നത്. ഇത് 170 എച്ച്.പി. പവറും 520 എന്.എം. ടോര്ക്കുമാണ് ഉത്പാദിപ്പിക്കുന്നത്. ആറ് സ്പീഡ് മാനുവലാണ് ഇതിലെ ട്രാന്സ്മിഷന്.