മോഹൻലാൽ വീണ്ടും അമ്മയുടെ പ്രസിഡൻ്റ്; ജനറല്‍ സെക്രട്ടറിയായി ഇടവേള ബാബു

സ്വന്തം ലേഖിക

കൊച്ചി: ചലച്ചിത്രതാരങ്ങളുടെ സംഘടനയായ ‘അമ്മ’യുടെ പ്രസിഡന്റായി മോഹന്‍ലാലിനെയും ജനറല്‍ സെക്രട്ടറിയായി ഇടവേള ബാബുവിനെയും തെരഞ്ഞെടുത്തു.

ഇരുവരും എതിരില്ലാതെയാണ് തെരഞ്ഞെടുക്കപ്പെട്ടത്.

ജയസൂര്യയെ ജോയിന്റ് സെക്രട്ടറിയായും സിദ്ദിഖിനെ ട്രഷറര്‍ ആയും തെരഞ്ഞെടുത്തു.

ഷമ്മി തിലകന്‍ മൂന്നു സ്ഥാനങ്ങളിലേക്ക് പത്രിക നല്‍കിയിരുന്നെങ്കിലും ഒപ്പ് രേഖപ്പെടുത്താതിരുന്നതിനാല്‍ പത്രിക തള്ളിയിരുന്നു.

ഉണ്ണി ശിവപാല്‍ പത്രിക നല്‍കിയിരുന്നെങ്കിലും പൂര്‍ണമല്ലാത്തതിനാല്‍ അതും തള്ളി.

വൈസ് പ്രസിഡൻ്റ് സ്ഥാനത്തേക്കും പതിനൊന്നംഗ എക്സിക്യൂട്ടിവിലേക്കുമുള്ള തിരഞ്ഞെടുപ്പ് 19 ന് നടക്കും. അമ്മ വാർഷിക ജനറൽ ബോഡിയും അന്ന് നടക്കും.