കോട്ടയം നഗരത്തിൽ നടുറോഡിൽ മൊബൈൽകട; ന​ഗരം വിറ്റുതുലച്ച് നഗരസഭാ അധികൃതർ; ബി എസ് എൻ എല്ലിന്റെ പില്ലർ മൊബൈൽ കടയ്ക്കകത്ത്

സ്വന്തം ലേഖകൻ

കോട്ടയം: കോട്ടയം ന​ഗരത്തിൽ നടുറോഡിൽ മൊബൈൽകട. നഗരത്തിലെ തിരക്കേറിയ ടി ബി റോഡിൽ അനുപമ തീയേറ്ററിന് എതിർവശത്താണ് ഈ കൈയ്യേറ്റം. പൊതു നിരത്ത് പൂർണ്ണമായും കൈയ്യേറി കട നിർമ്മിച്ചിട്ട് നഗരസഭാ അധികൃതർ മാത്രം കണ്ടില്ല.

പൊതു നിരത്ത് കൈയ്യേറി കെട്ടിയടച്ച് ദിവസവാടകയ്ക്ക് മൊബൈൽകട നടത്താൻ കൊടുത്തിരിക്കുന്ന കൊള്ളലാഭക്കച്ചവടം നടക്കുന്നത് അധികാരികളുടെ മൂക്കിന് താഴെയാണ്.

റോഡ് കൈയ്യേറി കെട്ടിയടച്ച കടയ്ക്കകത്ത് ബിഎസ്എൻഎൽ സ്ഥാപിച്ചിട്ടുള്ള പില്ലറും കാണാം. ഇത്രയധികം നഗ്നമായ കൈയ്യേറ്റം കണ്ടിട്ടും കൗൺസിലറോ നഗരസഭാ അധികൃതരോ അറിഞ്ഞില്ലായെന്നുള്ളത് ഞെട്ടിപ്പിക്കുന്ന സംഭവമാണ്.

ന​ഗരത്തിന്റെ തിരക്കേറിയ ഭാഗത്താണ് ഈ അതിക്രമം നടന്നത്. മാർക്കറ്റ് റോഡായതിനാൽ തന്നെ വഴിയാത്രകാർ ഉൾപ്പെടെയുള്ളവർക്ക് നടന്നുപോകാൻ കഴിയാത്ത അവസ്ഥയാണുള്ളത്. വൻ ​ഗതാ​ഗത കുരുക്കാണ് ഇതുമൂലം ഉണ്ടാകുന്നത്.

ന​ഗരം വിറ്റുതുലച്ച് നഗരസഭാ അധികൃതർ നടത്തുന്ന കൊള്ളയ്ക്ക് പിന്നിൽ ഉന്നതർക്ക് പങ്കുണ്ടെന്നാണ് തേർഡ് ഐ ന്യൂസിന് ലഭിക്കുന്ന ​സൂചന