മുൻ എംഎൽഎ വി ബലറാം അന്തരിച്ചു

സ്വന്തം ലേഖകൻ

തൃശ്ശൂർ: കെ.പി.സി.സി ജനറൽ സെക്രട്ടറിയും മുൻ എം.എൽ.എയുമായ വി. ബലറാം (72) അന്തരിച്ചു.ഏറെ നാളായി ചികിത്സയിലായിരുന്നു.തൃശൂരിലെ സ്വകാര്യ ആശുപത്രിയിലായിരുന്നു അന്ത്യം.

വടക്കാഞ്ചേരി മണ്ഡലത്തിൽ നിന്നാണ് നിയമസഭയിൽ എത്തിയത് പിന്നീട് കെ. മുരളീധരന് മത്സരിക്കാനായി എം.എൽ.എ സ്ഥാനം രാജിവെച്ചു.

കോൺഗ്രസിൽ കെ.കരുണാകരന്റെ വിശ്വസ്തനായിരുന്നു വി.ബലറാം.കോഴിക്കോട് നിന്ന് ലോക്‌സഭയിലേക്കും മത്സരിച്ചിരുന്നു.

കരുണാകരൻ കോൺഗ്രസ് വിട്ട് ഡി.ഐ.സി. രൂപവത്കരിച്ചപ്പോൾ അതിന്റെ ഭാഗമായി പ്രവർത്തിച്ചു. കോൺഗ്രസിൽ ഗ്രൂപ്പ് രാഷ്ട്രീയം ശക്തമായിരിക്കെ ഐ ഗ്രൂപ്പിന്റെ മുഖ്യനേതാവായിരുന്നു വി.ബലറാം.കൊച്ചിൻ അഗ്രികൾച്ചറൽ ബാങ്ക് പ്രസിഡന്റ്,കേരള ഖാദി ഗ്രാമവ്യവസായബോർഡ് ചെയർമാൻ,എ.ഐ.സി.സി അംഗം,തൃശൂർ ഡി.സി.സി ജനറൽ സെക്രട്ടറി,കെ.എസ്.യു സംസ്ഥാന ജനറൽ സെക്രട്ടറി എന്നീ പദവികൾ വഹിച്ചിട്ടുണ്ട്.

രാമൻ നായർ-വെല്ലൂർ ചിന്നമ്മു അമ്മ ദമ്പതികളുടെ മകനായി 1947 നവംബർ 10 നാണ് ജനനം.ഭാര്യ.കാഞ്ചനമാല.രണ്ട് മക്കളുണ്ട്.