എം.ജി സർവകലാശാലാ എംപ്ലോയ്‌മെന്റ് ഇൻഫർമേഷൻ ആൻഡ് ഗൈഡൻസ് ബ്യൂറോയുടെ കോട്ടയം മോഡല്‍ കരിയർ സെന്ററിന്റെ ആഭിമുഖ്യത്തില്‍ സൗജന്യ തൊഴില്‍ മേള മാര്‍ച്ച്‌ 19 ന്; 150 ഒഴിവുകളിലേക്ക് അവസരം

കോട്ടയം: എം.ജി സർവകലാശാലാ എംപ്ലോയ്‌മെന്റ് ഇൻഫർമേഷൻ ആൻഡ് ഗൈഡൻസ് ബ്യൂറോയുടെ കോട്ടയം മോഡല്‍ കരിയർ സെന്ററിന്റെ ആഭിമുഖ്യത്തില്‍ 19 ന് രാവിലെ 10 ന് സൗജന്യ തൊഴില്‍ മേള നടത്തും.

സ്വകാര്യ ബാങ്കിന്റെ ജില്ലയിലെ വിവിധ ബ്രാഞ്ചുകളിലെയും എറണാകുളം കേന്ദ്രമാക്കി പ്രവർത്തിക്കുന്ന ബിസിനസ് പ്രോസസിംഗ് ആൻഡ് ടെക്‌നോളജി മാനേജ്മന്റ് കമ്പനിയിലെയും വിവിധ തസ്തികകളിലുള്ള 150 ഒഴിവുകളിലേക്കുമാണ് അവസരം.

പ്ലസ് ടു, ഡിഗ്രി, പി.ജി യോഗ്യതയുള്ളവർക്ക് bit.ly/mcckottayam എന്ന ഗൂഗിള്‍ ഫോം ലിങ്കിലൂടെ അപേക്ഷിക്കാം. അതിരമ്പുഴയിലെ സർവകലാശാലാ എംപ്ലോയ്‌മെന്റ് ഇൻഫർമേഷൻ ആൻഡ് ഗൈഡൻസ് ബ്യൂറോയില്‍ രാവിലെ 9.30 ന് എത്തണം.