കുമളി മംഗളാദേവി ക്ഷേത്രത്തില്‍ ചിത്രപൗര്‍ണ്ണമി ഉത്സവം ഏപ്രിൽ 16ന്

സ്വന്തം ലേഖകൻ

പീരുമേട്: മംഗളാദേവി ക്ഷേത്രത്തില്‍ ചിത്രപൗര്‍ണ്ണമി ഉത്സവത്തിന് ഒരുക്കങ്ങളായി. മേടമാസത്തിലെ ചൈത്രമാസത്തിലെ പൗര്‍ണ്ണമിയായ 16 നാണ് ഉത്സവം നടത്തുന്നത്.

കേരളവും തമിഴനാടും യോജിച്ചാണ് നടത്തിപ്പ്. കഴിഞ്ഞ രണ്ട് വര്‍ഷങ്ങളില്‍ കൊവിഡ് മൂലം ഉത്സവമുണ്ടായിരുന്നില്ല. കണ്ണകിയുടെ പ്രതിഷ്ഠയാണിവിടെ.

ചിത്ര പൗര്‍ണ്ണമി ദിവസം മാത്രമാണ് പൊതുജനങ്ങക്ക് ക്ഷേത്രത്തില്‍ പ്രവേശിക്കാന്‍ അനുവാദമുള്ളത്. ഇത്തവണയും ഭക്തര്‍ക്ക് രാവിലെ 6 മണി മുതല്‍ 2 മണി വരെയാണ് പ്രവേശനം അനുവദിച്ചിട്ടുള്ളത്.

പെരിയാര്‍ വന്യമൃഗ സംരക്ഷണ മേഖലയില്‍ സ്ഥിതി ചെയ്യുന്ന ക്ഷേത്രമെന്ന നിലയില്‍ വന്യമൃഗങ്ങള്‍ക്ക് ആഘാതമേല്‍പ്പിക്കുന്ന ഒരു പ്രവര്‍ത്തിയും ഉണ്ടാകാന്‍ പാടില്ലെന്ന കര്‍ശന നിര്‍ദ്ദേശം നല്‍കിയിട്ടുണ്ട്.