ജമ്മുകശ്മീരില്‍ മലയാളി വിനോദയാത്രാസംഘം അപകടത്തില്‍പ്പെട്ടു; യുവാവിന് ദാരുണാന്ത്യം; 14 പേര്‍ക്ക് പരിക്ക്

ഡൽഹി: ജമ്മു കശ്മീരിലെ ബെനി ഹാളില്‍ മലയാളി വിനോദയാത്രാ സംഘം സഞ്ചരിച്ച വാഹനം അപകടത്തില്‍പ്പെട്ട് യുവാവിന് ദാരുണാന്ത്യം.

നാദാപുരം സ്വദേശി സഫ്വാൻ പി.പി (23) ആണ് മരിച്ചത്.

അപകടത്തില്‍ 14 പേർക്ക് പരിക്കേറ്റു. ഇവരില്‍ 12 പേർ മലയാളികളാണ്.

പരിക്കേറ്റവരില്‍ ആറ് പേരുടെ നില ഗുരുതരമാണ്. മലപ്പുറം ജാമിയ സലഫിയ ഫാര്‍മസി കോളജിലെ മുന്‍ ബിഫാം വിദ്യാര്‍ഥികളാണ് അപകടത്തില്‍പെട്ടവരില്‍ ആറുപേര്‍.