മലയാളി നഴ്‌സ് കുവൈത്തില്‍ വാഹനാപകടത്തില്‍ മരിച്ചു ; അപകടമുണ്ടായത് താമസ സ്ഥലത്തിന് അടുത്തുള്ള റോഡ് മുറിച്ച്‌ കടക്കവേ

സ്വന്തം ലേഖകൻ

മലയാളി നഴ്‌സ് കുവൈത്തില്‍ വാഹനാപകടത്തില്‍ മരിച്ചു. താമസ സ്ഥലത്തിന് അടുത്തുള്ള റോഡ് മുറിച്ച്‌ കടക്കവേയാണ് അപകടം. മൃതദേഹം നാട്ടിലെത്തിക്കും.

കണ്ണൂര്‍ ഇരിട്ടി കച്ചേരിക്കടവ് ചക്കാനിക്കുന്നേല്‍ മാത്യുവിന്റെയും ഷൈനിയുടെയും മകള്‍ ദീപ്തി ജോമേഷ് (33) ആണ് മരിച്ചത്. കുവൈത്തിലെ അല്‍ സലാം ആശുപത്രിയില്‍ നേഴ്‌സായിരുന്നു. തിങ്കളാഴ്ച വൈകിട്ട് ആശുപത്രിയുടെ താമസ സ്ഥലത്തിന് അടുത്തുള്ള റോഡ് മുറിച്ച്‌ കടക്കവേ വാഹനമിടിച്ചായിരുന്നു അന്ത്യം.

ഭര്‍ത്താവ് ജോമേഷ് വെളിയത്ത് ജോസഫ് കുവൈത്ത് സാമൂഹിക ക്ഷേമകാര്യ മന്ത്രാലയത്തിലെ ജീവനക്കാരനാണ്. സഹോദരന്‍ – ദീക്ഷിത്ത്. മൃതദേഹം നാട്ടിലേക്ക് കൊണ്ടു പോകുന്നതിനുള്ള നടപടികള്‍ പുരോഗമിക്കുന്നുണ്ട്.