ഓടിത്തുടങ്ങിയ ട്രെയിനിൽ ചാടിക്കയറാൻ ശ്രമിച്ചു; പിടിവിട്ട് പാളത്തിലേക്ക് വീണ സ്ത്രീയുടെ ശരീരത്തിലൂടെ ട്രെയിൻ കയറിയിറങ്ങി; മലപ്പുറത്ത് അറുപത്തിയഞ്ചുകാരിയ്ക്ക് ദാരുണാന്ത്യം

സ്വന്തം ലേഖകൻ

മലപ്പുറം: ഓടിത്തുടങ്ങിയ ട്രെയിനിൽ ചാടിക്കയറാൻ ശ്രമിച്ച വയോധിക പാളത്തിൽ വീണ് മരിച്ചു. പെരുമ്പടപ്പ്പാറ സ്വദേശി വസന്തകുമാരി(65)യാണ് മരിച്ചത്.

മലപ്പുറം ജില്ലയിലെ കുറ്റിപ്പുറം റെയിൽവെ സ്റ്റേഷനിലാണ് ദാരുണമായ സംഭവം ഉണ്ടായത്.

തൃശ്ശൂർ കണ്ണൂർ പാസഞ്ചർ ട്രെയിനിൽ കയറാൻ ശ്രമിക്കുന്നതിനിടെയാണ് അപകടം. പിടിവിട്ട് വസന്തകുമാരി പാളത്തിലേക്ക് വീഴുകയായിരുന്നു.

ട്രയിൻ ശരീരത്തിലൂടെ കയറിയിറങ്ങി സംഭവസ്ഥലത്ത് തന്നെ മരിച്ചു. കോഴിക്കോട് മകളുടെ വീട്ടിലേക്ക് പോകാനാണ് വസന്തകുമാരി റെയിൽവെ സ്റ്റേഷനിൽ എത്തിയത്.