സിപിഐഎം കേന്ദ്ര കമ്മിറ്റി അംഗവും വനിതാ കമ്മീഷന്‍ മുന്‍ അധ്യക്ഷയുമായ എം സി ജോസഫൈന് നാടിന്റെ യാത്രാമൊഴി;സിഎസ്എ ഹാളില്‍ പൊതുദര്‍ശനം തുടരുന്നു

സ്വന്തം ലേഖിക

കണ്ണൂർ :സിപിഐഎം കേന്ദ്ര കമ്മിറ്റി അംഗവും വനിതാ കമ്മീഷന്‍ മുന്‍ അധ്യക്ഷയുമായ എം സി ജോസഫൈന് നാടിന്റെ യാത്രാമൊഴി. അങ്കമാലിയിലെ വീട്ടിലും സി പി ഐ എം ഏരിയ കമ്മിറ്റി ഓഫീസിലും പൊതുദര്‍ശനത്തിന് വെച്ച മൃതദേഹത്തില്‍ നൂറുകണക്കിന് പേര്‍ അന്ത്യാഞ്ജലി അര്‍പ്പിച്ചു. അങ്കമാലി സി എസ് എ ഹാളിലെ പൊതുദര്‍ശനം തുടരുകയാണ്

മന്ത്രിമാരായ കെ രാജന്‍, പി രാജീവ് ,വി എന്‍ വാസവന്‍, മുന്‍ മന്ത്രിമാരായ പി കെ ശ്രീമതി, ജെ മേഴ്‌സിക്കുട്ടിയമ്മ, ബെന്നി ബെഹ്‌നാന്‍ എം പി , അങ്കമാലി എം എല്‍ എ റോജി എം ജോണ്‍ തുടങ്ങിയവര്‍ അന്തിമോപചാരമര്‍പ്പിച്ചു. ഉച്ചയ്ക്ക് രണ്ട് മണിയോടെ ഭൗതിക ശരീരം മെഡിക്കല്‍ കോളജിലേക്ക് മാറ്റും.