പാചക വാതകവുമായി എത്തിയ ലോറി ഓട്ടോറിക്ഷയിലിടിച്ച്‌ അപകടം; ഇരു വാഹനങ്ങളിലെയും ഡ്രൈവര്‍മാര്‍ക്ക് പരിക്ക്

ആലപ്പുഴ: ആലപ്പുഴ നീര്‍ക്കുന്നത്ത് പാചക വാതകവുമായി വന്ന ലോറിയും ഓട്ടോറിക്ഷയും കൂട്ടിയിടിച്ചു.

ഇരു വാഹനങ്ങളിലെയും ഡ്രൈവര്‍മാര്‍ക്ക് പരിക്കേറ്റു.

ഓട്ടോ ഡ്രൈവര്‍ നീര്‍ക്കുന്നം സ്വദേശി അൻസാരി, ലോറി ഡ്രൈവര്‍ മാവേലിക്കര സ്വദേശി രാജേഷ് എന്നിവര്‍ക്കാണ് പരിക്കേറ്റത്.

ഇരുവരെയും ആശുപത്രിയില്‍ ചികിത്സയ്ക്ക് പ്രവേശിപ്പിച്ചു. സംഭവത്തില്‍ പൊലീസ് കേസെടുത്തു.