കേബിൾ കുരുങ്ങി സ്കൂട്ടറിൽ ഇരിക്കുകയായിരുന്ന വീട്ടമ്മയ്ക്ക ഗുരുതര പരിക്ക്

കൊല്ലം: കരുനാഗപ്പിള്ളി തഴവ കൊച്ചു കുറ്റിപ്പുറത്ത് കേബിള്‍ കുരുങ്ങിസ്കൂട്ടറിൽ ഇരിക്കുകയായിരുന്ന വീട്ടമ്മയ്ക്കാണ് അപകടം സംഭവിച്ചത്. വളാലില്‍ മുക്കില്‍ താമസിക്കുന്ന സന്ധ്യ (43 )യ്ക്കാണ് ഗുരുതരമായി പരിക്കേറ്റത്.

കഴിഞ്ഞ ദിവസം ഉച്ചയോടെയായിരുന്നുഅപകടം സംഭവിച്ചത്.
തടി കയറ്റി കൊണ്ടു വന്ന ലോറി റോഡിലൂടെ പാസ് ചെയ്തപ്പോഴാണ് കേബിൾ പൊട്ടിയത്. പൊട്ടിയ കേബിൾ ഭർത്താവിന്റെ വർക്ക് ഷോപ്പിന്റെ മുന്നിൽ സ്കൂട്ടറിൽ ഇരിക്കുകയായിരുന്ന സന്ധ്യയുടെ കഴുത്തിൽ കുരുങ്ങിയത്. കേബിളിൽ കുരുങ്ങി സന്ധ്യ 20 മീറ്ററോളം ദൂരം പോയാണ് തെറിച്ച് വീണത്. അതോടൊപ്പം തന്നെ സ്കൂട്ടർ പൊങ്ങി സന്ധ്യയുടെ ദേഹത്ത് വീഴുകയും ചെയ്തു.

കൊല്ലത്തെ ആശുപത്രിയിൽ ചികിത്സയിലാണ് സന്ധ്യ. അപകടത്തിൽ സന്ധ്യയുടെ തോളെല്ല് പൊട്ടിയിട്ടുണ്ട്. നിർത്താതെ പോയ ലോറിയെ നാട്ടുക്കാർ തടഞ്ഞു നിർത്തി.