മ​ന്ത്രി എ.​കെ. ശ​ശീ​ന്ദ്ര​നെ​തി​രെ കേ​സെ​ടു​ത്താ​ൽ നി​ല​നി​ൽ​ക്കി​ല്ലെ​ന്ന് നി​യ​മോ​പ​ദേ​ശം; ഫോ​ൺ സം​ഭാ​ഷ​ണ​ത്തിൽ ക്രി​മി​ന​ൽ കേ​സെ​ടു​ക്കാ​വു​ന്ന വി​ഷ​യ​ങ്ങ​ൾ ഇല്ല

തി​രു​വ​ന​ന്ത​പു​രം: പീ​ഡ​ന​ക്കേ​സ് ഒ​തു​ക്കി​ത്തീ​ർ​ക്കാ​ൻ ശ്ര​മി​ച്ചെ​ന്ന പ​രാ​തി​യുമായ് ബന്ധപ്പെട്ട് മ​ന്ത്രി എ.​കെ. ശ​ശീ​ന്ദ്ര​നെ​തി​രെ കേ​സെ​ടു​ത്താ​ൽ നി​ല​നി​ൽ​ക്കി​ല്ലെ​ന്ന് നി​യ​മോ​പ​ദേ​ശം. ഫോ​ൺ സം​ഭാ​ഷ​ണ​ത്തിൽ ക്രി​മി​ന​ൽ കേ​സെ​ടു​ക്കാ​വു​ന്ന വി​ഷ​യ​ങ്ങ​ൾ ഇല്ലെന്ന് പ്രാ​ഥ​മി​ക നി​യ​മോ​പ​ദേ​ശം ല​ഭി​ച്ചു.

പ​രാ​തി​ക്കാ​രി​യു​ടെ പി​താ​വു​മാ​യി ശ​ശീ​ന്ദ്ര​ൻ ന​ട​ത്തി​യ ഫോ​ൺ സം​ഭാ​ഷ​ണ​ത്തെ അ​ടി​സ്ഥാ​ന​മാ​ക്കി​യാ​ണ് പൊ​ലീ​സ് നി​യ​മോ​പ​ദേ​ശം തേ​ടി​യ​ത്. ​ശ​ദ​മാ​യ നി​യ​മോ​പ​ദേ​ശ​ത്തി​നാ​യി കാ​ത്തി​രി​ക്കു​ക​യാ​ണ് പൊ​ലീ​സ്.

എ​ൻ​സി​പി നേ​താ​വും കു​ണ്ട​റ​യി​ലെ ഹോ​ട്ട​ൽ ഉ​ട​മ​യു​മാ​യ പ​ത്മാ​ക​ര​നെ​തി​രെ​യാ​ണ് പീ​ഡ​ന​ശ്ര​മ കേ​സ്. പ​ത്മാ​ക​ര​ൻ ന​ട​ത്തു​ന്ന ഹോ​ട്ട​ലി​ലെ​ത്തി​യ ത​ന്നെ കൈ​യ്ക്ക് പി​ടി​ച്ചു​വ​ലി​ച്ച് പീ​ഡി​പ്പി​ക്കാ​ൻ ശ്ര​മി​ച്ചു എ​ന്നാ​ണ് സ്ത്രീ ​കു​ണ്ട​റ പോ​ലീ​സ് സ്റ്റേ​ഷ​നി​ൽ ജൂ​ൺ 27ന് ​ന​ൽ​കി​യ പ​രാ​തി.

സ്ത്രീ ​പോ​ലീ​സി​ൽ പ​രാ​തി ന​ൽ​കി​യ​ത​റി​ഞ്ഞ മ​ന്ത്രി സ്വ​ന്തം ഫോ​ണി​ൽ സ്ത്രീ​യു​ടെ പി​താ​വി​നെ വി​ളി​ച്ച് കേ​സ് ന​ല്ല രീ​തി​യി​ൽ ഒ​ത്തു തീ​ര​ണം എ​ന്ന് ആ​വ​ശ്യ​പ്പെ​ട്ട​താ​യാ​ണ് ആ​രോ​പ​ണം.

അതേസമയം, എ.കെ ശശീന്ദ്രനെ മുഖ്യമന്ത്രി സംരക്ഷിക്കുകയാണെന്നും, ഇത് വഴി അദ്ദേഹം നൽകുന്ന സന്ദേശമെന്താണെന്നും പരാതിക്കാരി ചോദിച്ചു. മുഖ്യമന്ത്രിയുടെ നിലപാട് തന്നെ വേദനിപ്പിച്ചുവെന്നും,മന്ത്രിക്കെതിരെ നിയമനടപടി സ്വീകരിക്കുമെന്നും പരാതിക്കാരി വ്യക്തമാക്കി.

ഇന്ന് രാവിലെ മുഖ്യമന്ത്രിയുമായി നേരിട്ട് കൂടിക്കാഴ്‌ച നടത്തിയ ശശീന്ദ്രൻ വിഷയവുമായി ബന്ധപ്പെട്ട് വിശദീകരണം നൽകി. ശശീന്ദ്രൻ രാജിവയ്‌ക്കേണ്ടെന്ന നിലപാടാണ് കൂടിക്കാഴ്‌ചയിൽ മുഖ്യമന്ത്രി സ്വീകരിച്ചത്. ഇതിനുപിന്നാലെയാണ് പരാതിക്കാരിയായ യുവതി മാദ്ധ്യമങ്ങളെ കണ്ടത്.

മന്ത്രിയുടെ ഇടപെടലിൽ അസ്വാഭാവികതയില്ലെന്നും കേസിൽ അന്വേഷണം തുടരുന്ന സാഹചര്യത്തിൽ ശശീന്ദ്രൻ രാജിവയ്‌ക്കേണ്ടതില്ലെന്നുമുള്ള നിരീക്ഷണത്തിലാണ് സി.പി.എം.

പ്രതിപക്ഷ നേതാവ് വി.ഡി സതീഷനും ശശീന്ദ്രനെതിരെ രൂക്ഷ വിമർശനവുമായ് രംഗത്ത് വന്നിരുന്നു. നാളെ നിയമസഭ സമ്മേളനം തുടങ്ങു​മ്പോൾ എ.​കെ.ശശീന്ദ്രൻ ഭരണകക്ഷി ബെഞ്ചിൽ ഉണ്ടാവരുതെന്ന്​ പ്രതിപക്ഷ നേതാവ് വി.ഡി.സതീശൻ ആവശ്യപ്പെട്ടു.

ശശീന്ദ്രനെ പുറത്താക്കാൻ മുഖ്യമന്ത്രി തയാറാവണമെന്നും, രാജി മുഖ്യമന്ത്രി ചോദിച്ച്​ വാങ്ങണമെന്നും അദ്ദേഹം ആവശ്യപ്പെട്ടു. ശശീന്ദ്രൻ ഔദ്യോഗിക പദവി ദുരുപയോഗം ചെയ്​തുവെന്നും വി.ഡി.സതീശൻ ആരോപിച്ചു.

മ​ന്ത്രി രാ​ജി​വ​ച്ചി​ല്ലെ​ങ്കി​ൽ നി​യ​മ​സ​ഭ​യി​ൽ പ്ര​ശ്നം കൊ​ണ്ടു​വ​രും. പി​ണ​റാ​യി സ​ർ​ക്കാ​ർ ര​ണ്ടാ​മ​ത് അ​ധി​കാ​ര​ത്തി​ൽ എ​ത്തി​യ​ശേ​ഷം സ്ത്രീ​ക​ൾ​ക്കെ​തി​രാ​യ ന​ട​പ​ടി​ക​ളാ​ണ് കൈ​ക്കൊ​ള്ളു​ന്ന​ത്. ഇ​തി​നെ​ല്ലാം നി​യ​മ​സ​ഭ​യി​ൽ പ്ര​തി​പ​ക്ഷം മ​റു​പ​ടി പ​റ​യി​ക്കു​മെ​ന്നും സ​തീ​ശ​ൻ കൂ​ട്ടി​ച്ചേ​ർ​ത്തു.