ഉമ്മൻചാണ്ടിയുടെ വിയോഗം ജനാധിപത്യ സമൂഹത്തിന് തീരാനഷ്ടം ; കേരള രാഷ്ട്രീയത്തിലെ സുപ്രധാന ഏടാണ് ഉമ്മൻചാണ്ടിയുടെ വിയോഗത്തോടെ അവസാനിക്കുന്നത് ; അനുശോചനം രേഖപ്പെടുത്തി മന്ത്രി വി.എൻ. വാസവൻ

സ്വന്തം ലേഖകൻ 

കോട്ടയം: കോണ്‍ഗ്രസ് രാഷ്ടീയത്തിന്റെ ജനകീയമുഖമായിരുന്ന ഉമ്മൻ ചാണ്ടിയുടെ വിയോഗം അതീവ ദു:ഖകരമാണെന്ന് മന്ത്രി വി.എൻ. വാസവൻ അനുശോചിച്ചു.

ജനാധിപത്യ സമൂഹത്തിന് തീരാനഷ്ടമാണ്. തികഞ്ഞ സമചിത്തതയോടെ പ്രശ്‌നങ്ങളെ സമീപിച്ചിരുന്ന അദ്ദേഹത്തിന്റെ ക്രൈസസ് മാനേജ്‌മെന്റ് രീതി പൊതുപ്രവര്‍ത്തനത്തില്‍ അനുകരണിയമാണ്.

ജനജീവിതത്തിനൊപ്പം നിന്ന വ്യക്തിത്വമായിരുന്നു. കേരള രാഷ്ട്രീയത്തിലെ സുപ്രധാന ഏടാണ് ഉമ്മൻചാണ്ടിയുടെ വിയോഗത്തോടെ അവസാനിക്കുന്നത്.

നിയമസഭാ പ്രവര്‍ത്തനകാലത്ത് അദ്ദേഹം എടുത്ത തീരുമാനങ്ങള്‍ പലതും കേരളരാഷ്ട്രീയത്തില്‍ കാലത്തെ അതിജീവിച്ചു നിലനില്‍ക്കുമെന്നും വി.എൻ.വാസവൻ പത്രകുറിപ്പില്‍ പറഞ്ഞു.