കുമരകത്ത് ബൈക്ക് മോഷണം പോയതായി പരാതി: വീടിന്റെ മതിൽക്കെട്ടിനുള്ളിൽ നിന്നാണ് ബൈക്ക് കാണാതായത്

സ്വന്തം ലേഖകൻ

കുമരകം: കുമരകത്ത്
വീടിൻ്റെ മതിൽകെട്ടിനുള്ളിൽ പാർക്ക് ചെയ്തിരുന്ന ബൈക്ക് മോഷണം പോയതായി പരാതി. കുമരകം വള്ളാറ പള്ളിക്ക് പിൻവശത്തായി താമസിക്കുന്ന വാലേചിറയിൽ വീട്ടിൽ വിജേഷ് വിജയനാണ് തന്റെ ബൈക്ക് മോഷണം പോയി എന്ന പരാതിയുമായി പോലീസിനെ സമീപിച്ചത്.

കെഎൽ 5 എ എൽ 8944 എന്ന രജിസ്ട്രേഷൻ നമ്പരിലുള്ള ഹോണ്ട ഡ്രീം യുഗ ബൈക്കാണ് വെള്ളിയാഴ്ച രാത്രി മോഷണം പോയത്. രാത്രി 10 മണി വരെ ബൈക്ക് മതിൽ കെട്ടിനുള്ളിൽ ഉണ്ടായിരുന്നു. 10 മണിക്ക് ശേഷമാണ്

മോഷണം പോയത്. ബൈക്ക് കണ്ടെത്തുന്നതിനായി വിജേഷ് കുമരകം പോലീസിൽ പരാതി നൽകി. പോലീസ് കേസെടുത്ത് അന്വേഷണം ആരംഭിച്ചു