കെ.എസ്.ആർ.ടി.സി സ്വിഫ്റ്റ് നിരത്തിൽ; മുഖ്യമന്ത്രി ഫ്ലാഗ് ഓഫ്‌ ചെയ്തു

സ്വന്തം ലേഖകൻ

തിരുവനന്തപുരം: കെ.എസ്.ആർ.ടി.സി സ്വിഫ്റ്റ് സർവീസ് ഇന്ന് ആരംഭിച്ചു. മുഖ്യമന്ത്രിഫ്ലാഗ് ഓഫ്‌ ചെയ്തു.ദീർഘദൂര സർവീസുകൾക്കായി മികച്ച അടിസ്ഥാന സൗകര്യങ്ങളും കൂടുതൽ കാര്യക്ഷമമായ സേവനങ്ങളും ലഭ്യമാക്കുന്നതിനായാണ് കെ.എസ്.ആർ.ടി.സി സ്വിഫ്റ്റ് ലിമിറ്റഡ് രൂപീകരിച്ചിരിക്കുന്നത്.

പുതിയ സംരംഭത്തിൻ്റെ ഭാഗമായി 8 എസി സ്ലീപ്പർ വോൾവോ ബസുകളും 20 എസി പ്രീമിയം സീറ്റർ ബസുകളും 88 നോൺ എസി ഡീലക്സ് ബസുകളും ഉൾപ്പെടെ116 ബസുകൾ അനുവദിച്ചു. കൂടാതെ ഈ വർഷം തന്നെ 50 ഇലക്ട്രിക് ബസുകളും 310 സിഎൻജി ബസുകളും കൂടി അനുവദിക്കും.

ഉപഭോക്താക്കൾക്ക് മികച്ച സേവനം ഉറപ്പു വരുത്തുന്നതിനാവശ്യമായ പരീശിലനം ലഭിച്ച ജീവനക്കാരെയാണ് സ്വിഫ്റ്റിനു കീഴിൽ നിയമിച്ചിരിക്കുന്നത്.

കേരളത്തിൻ്റെ പൊതുഗതാഗത മേഖലയെ ആധുനികവൽക്കരിക്കാനും ജനങ്ങൾക്ക് മെച്ചപ്പെട്ട സേവനങ്ങൾ ലഭ്യമാക്കാനും സർക്കാർ നടത്തുന്ന പ്രവർത്തനങ്ങൾക്ക് കുതിപ്പു നൽകാൻ കെ.എസ്.ആർ.ടി.സി സ്വിഫ്റ്റിനു സാധിക്കും.